జబర్దస్త్ లో ఎంట్రీ ఇచ్చిన మరో సెలబ్రిటీ

తెలుగులో బుల్లితెర విషయం మాట్లాడుకుంటే సూపర్ పాపులారిటీతో దూసుకుపోతున్న షో జబర్దస్త్. ఒకవైపు నచ్చని వాళ్ళు విమర్శలు సంధిస్తూనే ఉంటారు.. మరోవైపు ఆ కామెడీని ఫుల్ గా ఎంజాయ్ చస్తూ ఎంచక్కా నవ్వే ప్రేక్షకులూ ఉన్నారు. అయితే ఈమధ్య జబర్దస్త్ షోలో జడ్జిలు మారిన సంగతి తెలిసిందే. జబర్దస్త్ అనగానే మనకు గుర్తొచ్చేది నాగబాబు.. రోజా. వారు లేకుండా జబర్దస్త్ ను ఊహించుకోలేం. ఆ ఇద్దరూ ఈమధ్య ఎన్నికల్లో పోటీ చేయడంతో జబర్దస్త్ తీర్పులకు విరామం ప్రకటించారు. దీంతో జబర్దస్త్ నిర్వాహకులు వారికి ప్రత్యామ్నాయంగా శేఖర్ మాస్టర్.. మీనాలను తీసుకొచ్చారు.

గత రెండువారాలుగా మళ్ళీ రోజా జబర్దస్త్ కార్యక్రమంలో పాల్గొంటూ సందడి చేస్తున్నారు. నాగబాబు ఇంకా జబర్దస్త్ లోకి రీ ఎంట్రీ ఇవ్వలేదు కానీ కొత్తగా మరో సెలబ్రిటీ జబర్దస్త్ జడ్జ్ అవతారం ఎత్తారు. ఆమె ఎవరో కాదు.. సీనియర్ హీరోయిన్ సంఘవి. తాజాగా సంఘవి రోజాతో కలిసి జబర్దస్త్ కార్యక్రమంలో జడ్జిగా వ్యవహరించారు. చూస్తుంటే మీనా స్థానంలో సంఘవిని తీసుకొచ్చినట్టుగా అనిపిస్తోంది. కన్నడ భామ అయిన సంఘవి ఒక పదిహేనేళ్ళ క్రితం స్టార్ హీరోల సినిమాల్లో నటించింది. చిరంజీవి.. బాలకృష్ణ.. నాగార్జున లాంటి స్టార్ల సినిమాల్లో నటించి ప్రేక్షకులను మెప్పించింది. ఇప్పుడు చాలా కాలం తర్వాత ఇలా జబర్దస్త్ కార్యక్రమంలో కనిపించడం ప్రేక్షకులకు ఒక కొత్త అనుభవమే.

నాగబాబు రీ ఎంట్రీ ఇచ్చేవరకూ రోజాతో కలిసి సంఘవి జబర్దస్త్ కార్యక్రమాన్ని నడిపిస్తారని అంటున్నారు. ఏదైతేనేం. జబర్దస్త్ జడ్జిల లిస్టులో మరో సెలబ్రిటీ చేరింది. రోజాతో కలిసి సంఘవి చేసే సందడి ప్రేక్షకులను ఆకట్టుకుంటోందని టాక్.