లక్ష్మీస్ ఎన్టీఆర్ లో నటిస్తా.. కానీ

విలక్షణ దర్శకుడు రామ్ గోపాల్ వర్మ మొదట ఎన్టీఆర్ బయోపిక్ ని తీస్తానని చెప్పినప్పటి నుండి ఏపీ రాజకీయాల్లో ఎదో అంశం తెరపైకి వస్తూనే ఉంది. ఆయన మొదలు పెడతానని చెప్పిన కొన్ని రోజుల్లోనే బాలయ్య తనే బయోపిక్ తీస్తానని చెప్పడం అందరిని షాక్ కి గురి చేసింది. బ్యాక్ గ్రౌండ్ వర్క్ జరుగుతుందని కూడా చెప్పడం ప్రతి సారి వింటున్నదే.

దీంతో వర్మ ఏమనుకున్నాడో గాని లక్ష్మి పార్వతి అని సడన్ ట్విస్ట్ ఇచ్చి బాలయ్యకు సవాల్ విసిరినట్లయ్యింది. పోస్టర్ తోనే వివాదాలని రేపిన వర్మ ఇప్పుడు ఆ వివాద కథలో నటించే నటీనటుల ఎవరనేది అందరిలోనూ మెదులుతున్న ప్రశ్న. ఇప్పటికే నిర్మాతగా వైసిపినేత రాకేష్ రెడ్డి రంగంలోకి దిగిన విషయం తెలిసిందే. అయితే అందులో మాజీ హీరోయిన్ రోజా కూడా నటిస్తుందా అని ముందే కొన్ని ఊహాగానాలు వచ్చాయి.

అయితే ఈ విషయంపై రోజా కూడా తన అభిప్రాయాన్ని చెప్పారు. సినిమాలో మంచి పాత్ర ఉంటే తప్పకుండా చేస్తానని చెప్పారు. అయితే రోజా గత కొంత కాలంగా సినిమాలకు చాలా దూరంగా ఉంటున్నారు. ఇప్పుడు రాజకీయ పరంగా వివాదాలు చెలరేగుతున్న లక్ష్మీస్ ఎన్టీఆర్ సినిమాలో ఆమెకు ఏ తరహా పాత్రను వర్మ అఫర్ చేస్తాడో చూడాలి. ఇక ఈ సినిమా షూటింగ్ ను వర్మ వచ్చే ఏడాది ఫిబ్రవరిలో మొదలు పెట్టి అదే ఏడాది అక్టోబర్ లో విడుదల చేస్తానని చెప్పారు