జబర్ధస్త్ కమెడియన్ కు రోజా సీరియస్ వార్నింగ్

తెలుగులోనే నంబర్ 1 షోగా కీర్తినందుకుంది జబర్ధస్త్ కామెడీ షో. ఎన్నో సార్లు వివాదాల్లో చిక్కుకున్న ఈ షో కరోనా లాక్ డౌన్ తర్వాత మొదలైంది. తొలి జబర్ధస్త్ షోలో వివాదం చెలరేగింది.

తాజాగా స్కిట్ లో భాగంగా కమెడియన్ ముక్కు అవినాష్ .. ఏపీలో మద్యం ధరలు బాగా పెరిగాయని.. లాక్ డౌన్ వేళ ఒక ఫుల్ బాటిల్ ను 9 వేలకు కొన్నానని పంచ్ వేశాడు. అయితే వెంటనే జడ్జిగా ఉన్న రోజా తేరుకొని మధ్యలోనే అవినాష్ కు కౌంటర్ ఇచ్చింది.

స్టేజ్ పైన కౌంటర్ ఇస్తూ.. ‘ఎవడు కొనమన్నాడురా నిన్ను అంత రేట్ పెట్టి.. తాగుబోతు సచ్చినోడా’ అంటూ ఈసడించుకున్నారు. ఆ రోజు షో తర్వాత కూడా అవినాష్ కు కాస్త క్లాస్ తీసుకున్నట్టు తెలిసింది.

ప్రభుత్వాలు, విధానాలపై పంచ్ లు వేసే ముందు కొంచెం ఆలోచించి వేయండి అంటూ అవినాష్ తోపాటు మిగతా వారికి కూడా రోజా హెచ్చరిక జారీ చేసినట్లు తెలిసింది.