స్కర్టులో నయనతార కేకలు పెట్టిస్తోందే

శ్రీరామరాజ్యంతో సినిమాల్లో నుండి ఎగ్జిట్‌ అయిపోవడం.. ఆ తరువాత బ్రేకప్ చేసుకుని మళ్ళీ సినిమాల్లోకి రావడం.. అందాల నయనతారకు బాగానే కలిసొచ్చింది. ఈ క్రమంలో అమ్మడు కేవలం ఎక్సపోజింగ్ మీదనే ఆధారపడిన హీరోయిన్ గా కాకుండా.. యాక్టింగ్‌ వచ్చిన హీరోయిన్ గా పేరు తెచ్చుకోవడం మొదలెట్టేసింది. దానితో అమ్మడు ఇప్పుడు స్కిన్‌ షో అంటే నో అనేస్తోందట.

కాకపోతే సినిమా అన్నాక కాస్తో కూస్తో గ్లామర్ దట్టించాలి కాబట్టి.. తనకు నచ్చిన స్టయిల్లో హాట్నెస్ ను గుప్పిస్తోంది నయన. త్వరలోనే విడుదలవ్వనున్న ''ఇరు మగన్‌'' - తెలుగులో ''ఇంకొక్కడు'' - సినిమాలో అమ్మడు దుమ్మేలేపేసే పనిలో బిజీగా ఉంది. ముఖ్యంగా ఈసినిమాలో ఒక రిసార్టులో తీసిన సాంగ్ ఒకటి ఉంది. దానిలో అయితే అమ్మడు పొట్టి స్కర్టుల్లో లెగ్ షో చేస్తూ.. ఊపు ఊపేస్తోందట. రేపు సాయంత్రం విడుదలవ్వనున్న ఈ పాట తాలూకు స్టిల్స్ చూస్తే ఆ విషయం స్పష్టం అవుతుంది. నయన గ్లామర్‌ నయనానందం క్రియేట్ చేస్తూ.. కేకలు పెట్టిస్తోంది.

ఇకపోతే తెలుగులో బాబూ బంగారం సినిమా కోసం మరి అమ్మడు గ్లామర్‌ ఆరబోత చేపట్టిందో లేదో తెలియదు కాని.. ఆ స్లిమ్ లుక్కులోనే కావల్సినంత మ్యాజిక్ మాత్రం సృష్టించింది. మొత్తానికి 30 దాటిన తరువాత నయనకు స్టార్డమ్ వచ్చినట్లు లేదు?