యూట్యూబ్ లో రౌడీబేబీ సాంగ్ రచ్చ!

హీరోల్లో బ్రిలియంట్ డాన్సర్ల పేర్లు చెప్పమంటే చకచకా ఓ నాలుగు పేర్లు చెప్తారు. అదే హీరోయిన్లలో బ్రిలియంట్ డ్యాన్సర్లు పేర్లు చెప్పమంటే మాత్రం ఆన్సర్ సాయి పల్లవి తప్ప మరో పేరు చెప్పలేం. హీరోయిన్ కాకముందే ఈటీవీ లో 'ఢీ' షో లో డ్యాన్సర్ గా సాయి పల్లవి తెలుగు ప్రేక్షకులకు పరిచయం. 'ఫిదా' లో భానుమతి పాత్రతో తెలుగువారినందరినీ క్లీన్ బౌల్డ్ చేసేసింది. ఇదిలా ఉంటే సాయి పల్లవి పాట రీసెంట్ సోషల్ మీడియాలో సెన్సేషన్ క్రియేట్ చేసింది.

ఈ మధ్యే ధనుష్ హీరో గా 'మారి 2' అనే సినిమా రిలీజ్ అయిన విషయం తెలిసిందే కదా. సినిమా పెద్దగా ప్రేక్షకులను ఆకట్టుకోలేదుగానీ.. ఈ సినిమాలో 'రౌడీ బేబీ' పాట మాత్రం చార్ట్ బాస్టర్ గా నిలిచింది. రౌడీబేబీ ఫుల్ వీడియో సాంగ్ ను జనవరి 2 వ తేదీన 'మారి 2' టీమ్ యూట్యూబ్ లో విడుదల చేసింది. అంతే.. నెటిజనులు వెర్రెత్తిపోయారు. రెండు రోజుల్లోనే కోటి వ్యూస్ మార్క్ అందుకున్న ఈ పాట.. ఈ రోజుకి 1.97 కోట్ల వ్యూస్ తో దుమ్ములేపుతోంది. మీరిది చదివే సమయానికి 2 కోట్ల వ్యూస్ మార్క్ టచ్ చేసినా పెద్దగా ఆశ్చర్యం లేదు. సౌత్ లో ఇంత ఫాస్ట్ గా కోటి వ్యూస్ దాటిన పాట మరొకటి లేదని అంటున్నారు.

యువన్ శంకర్ రాజా క్యాచీ ట్యూన్.. పొయెటు ధనుష్ లిరిక్స్(ఎవరో అనుకోకండి ధనుష్ పేరే.. లిరిక్స్ రాసినప్పుడు ఇలా టైటిల్ క్రెడిట్ ఉంటుంది!).. ధనుష్-ఢీ ల గానం ఈ తమిళ పాటను సూపర్ హిట్ చేశాయి. ఇక విజువలైజేషన్ కూడా డిఫరెంట్ కలర్ థీమ్స్ తో ఉంటుంది. కానీ అన్నిటి కంటే హైలైట్ మాత్రం సాయిపల్లవి డాన్సే. ధనుష్ ను డామినేట్ చేసి మరీ దుమ్ములేపింది. అందుకే రౌడీబేబీ కి నెటిజనులు సాహో అంటున్నారు.