రౌడీ స్టార్ మరో ల్యాండ్ మార్క్‌

రౌడీ స్టార్ విజయ్ దేవరకొండ లైగర్ సినిమా తో పాన్ ఇండియా రేంజ్ లో వచ్చే వారం ప్రేక్షకుల ముందుకు రాబోతున్న విషయం తెల్సిందే. భారీ అంచనాల నడుమ రూపొందిన లైగర్ సినిమా ప్రమోషన్ కోసం ఉత్తర భారతంలో తెగ చక్కర్లు కొడుతున్న విజయ్ దేవరకొండ అక్కడ తన మార్కెట్‌ ను మరింత పదిల పర్చుకున్నాడు. ఇదే సమయంలో ఇన్ స్టా లో తన ఫాలోయింగ్‌ ను భారీగా పెంచుకున్నాడు.

బాలీవుడ్‌ హీరోల స్థాయిలో ఇన్ స్టాగ్రామ్‌ లో ఫాలోవర్స్ ను కలిగి ఉన్న విజయ్ దేవరకొండ తాజాగా 17 మిలియన్‌ ల ఫాలోవర్స్ సంఖ్య ను చేరుకున్నాడు.301 పోస్ట్‌ లు చేసిన విజయ్‌ దేవరకొండ తక్కువ సమయంలోనే అత్యధిక ఫాలోవర్స్ ను దక్కించుకున్న హీరోల జాబితాలో చేరి పోయాడు అంటూ అభిమానులు ఆనందం వ్యక్తం చేస్తున్నారు.

సౌత్‌ కు చెందిన కొద్ది మంది స్టార్స్ మాత్రమే 15 మిలియన్ల ఫాలోవర్స్ అంతకు మించి కలిగి ఉన్నారు. అందులో విజయ్‌ దేవరకొండ ఉన్నారు. అల్లు అర్జున్‌ ప్రస్తుతం అత్యధిక ఫాలోవర్స్ తో దూసుకు పోతున్నాడు. ఇదే సమయంలో విజయ్ దేవరకొండ ఏమాత్రం తగ్గకుండా బన్నీకి పోటీ అన్నట్లుగా దూసుకుపోతున్నాడు.

లైగర్ సినిమా సక్సెస్‌ అయ్యి పాన్ ఇండియా స్థాయిలో మంచి వసూళ్లను దక్కించుకుంటే కచ్చితంగా విజయ్ దేవరకొండ ఇన్ స్టా ఫాలోవర్స్ సంఖ్య మరింత స్పీడ్ తో పెరిగే అవకాశాలు ఉన్నాయి. అదే జరిగితే అల్లు అర్జున్ ను క్రాస్‌ చేసినా ఆశ్చర్యం లేదు అంటూ సోషల్‌ మీడియా విశ్లేషకులు అభిప్రాయం వ్యక్తం చేస్తున్నారు.

ఇక విజయ్‌ దేవరకొండ సినిమా లైగర్‌ విషయానికి వస్తే పూరి జగన్నాద్ దర్శకత్వంలో రూపొందగా కరణ్‌ జోహార్ ఈ సినిమా కు హిందీ వర్షన్ సమర్పకుడిగా వ్యవహరిస్తున్నాడు.

రౌడీ స్టార్‌ విజయ్‌ దేవరకొండ తన తదుపరి సినిమా ను శివ నిర్వాణ దర్శకత్వంలో ఖుషి అనే టైటిల్ తో చేస్తున్నాడు. ఆ తర్వాత మళ్లీ పూరి తోనే జనగనమణ అనే సినిమా ను చేస్తున్న విషయం తెల్సిందే.