RRR షూట్ లో జాయిన్ అయిన కొమురం భీమ్..!

ద‌ర్శ‌క‌ధీరుడు రాజ‌మౌళి దర్శకత్వంలో ఎన్టీఆర్ - రామ్ చరణ్ హీరోలుగా తెరకెక్కుతున్న భారీ మల్టీస్టారర్ ''ఆర్.ఆర్.ఆర్''. కరోనా సెకండ్ వేవ్ పరిస్థితుల్లో నిలిచిపోయిన ఈ సినిమా చిత్రీకరణను ఇటీవలే తిరిగి ప్రారంభించారు. తెలంగాణలో లాక్ డౌన్ ఎత్తేయడంతో హైద‌రాబాద్‌ లోని సారధి స్టూడియోస్ లో షూట్ మొదలుపెట్టారు. ఇప్పటికే చరణ్ సెట్ లో అడుగుపెట్టగా.. ఈరోజు ఎన్టీఆర్ కూడా 'ఆర్.ఆర్.ఆర్' షూట్ లో జాయిన్ అయ్యారని తెలుస్తోంది.

ఈ షెడ్యూల్ లో తారక్ - చరణ్ లపై పెండింగ్ ఎపిసోడ్స్ ను పూర్తి చేయనున్నారు. అలానే ఇద్దరిపై ఓ సుదీర్ఘమైన సాంగ్ ను చిత్రీకరించనున్నారు. ఇదే క్రమంలో రామోజీ ఫిలిం సిటీలో చరణ్ - అలియా భట్ లపై ఓ పాటను షూట్ చేయనున్నారు. దీని కోసం ఆలియా జూలై ఫస్ట్ వీక్ లో ట్రిపుల్ ఆర్ బృందంలో జాయిన్ అవుతారని సమాచారం. వీలైనంత త్వరగా మిగతా షూటింగ్ కంప్లీట్ చేయాలని ఫిక్స్ అయిన రాజమౌళి.. టైట్ షెడ్యూల్ ప్లాన్ చేసినట్లు తెలుస్తోంది. త్వరలోనే RRR విడుదలపై కూడా స్పష్టత రానుంది.

కాగా, 'ఆర్.ఆర్ ఆర్' లో మన్యం వీరుడు అల్లూరి సీతారామ‌రాజు పాత్ర‌లో రామ్‌ చ‌ర‌ణ్ న‌టిస్తుండగా.. గోండు బెబ్బులి కొమురం భీమ్ గా ఎన్టీఆర్ కనిపించనున్నారు. పాన్ ఇండియా స్థాయిలో రూపొందనున్న ఈ చిత్రంలో అజయ్ దేవగన్ - ఓలియా మోరిష్ - శ్రియ - సముద్రఖని ఇతర ప్రధాన పాత్రలు పోషిస్తున్నారు. కీరవాణి సంగీతం సమకూరుస్తున్న ఈ చిత్రానికి సెంథిల్ కుమార్ సినిమాటోగ్రఫీ అందిస్తున్నారు. డీవీవీ ఎంటెర్టైన్మెంట్స్ బ్యానర్ పై దానయ్య ఈ సినిమాని భారీ బడ్జెట్ తో నిర్మిస్తున్నారు. ప్రపంచవ్యాప్తంగా పది భాషల్లో విడుదలకానున్న RRR.. ఎలాంటి సంచనాలు క్రియేట్ చేస్తుందో చూడాలి.