RRR సినిమాలో ఆయ‌న‌కు ఇద్ద‌ర‌ట‌!

రాజ‌మౌళి - రామ్ చ‌ర‌ణ్ - ఎన్టీఆర్ కాంబోలో ప్ర‌పంచ స్థాయిలో రూపొందుతున్న పీరియాడిక‌ల్ డ్రామా RRR. ఈ సినిమాలో రామ్ చ‌ర‌ణ్ అల్లూరి సీతారామ‌రాజు పాత్ర పోషిస్తుండ‌గా.. ఎన్టీఆర్ కొమ‌రం భీమ్ గా క‌నిపించ‌బోతున్నాడు. అయితే.. ఈ సినిమాకు సంబంధించి ఇప్ప‌టి వ‌ర‌కూ హీరోల వీరోచిత పోరాటాల గురించే డిస్క‌ష‌న్ సాగింది. హీరోయిన్ల గురించిన చ‌ర్చ మామూలుగానే ఉంది.

ఈ సినిమాలో రామ్ చ‌ర‌ణ్ స‌ర‌స‌న సీత‌గా అలియా భ‌ట్ న‌టిస్తున్న విష‌యం తెలిసిందే. ఆమెకు సంబంధించిన ఫ‌స్ట్ లుక్ పోస్టర్ ను కూడా ఇటీవ‌లే రిలీజ్ చేశాడు ద‌ర్శ‌కుడు. అలియా బ‌ర్త్ డే సంద‌ర్భంగా మార్చి 15వ తేదీన ఈ లుక్ విడుద‌ల చేశాడు. ఈ ట్రెమండ‌స్ లుక్ కు భారీ రియాక్ష‌న్ వ‌చ్చింది.

సీత పాత్ర‌లో అలియా భ‌ట్ చ‌క్క‌గా కుదిరింద‌ని, అచ్చ తెలుగు ఆడ‌పిల్ల‌లా, కుంద‌న‌పు బొమ్మలా ఉందంటూ ప్రశంస‌లు వ‌చ్చాయి. ఇక‌, అటు ఎన్టీఆర్ స‌ర‌స‌న హాలీవుడ్ బ్యూటీ ఒలివియా మోరీస్ నటిస్తున్న సంగతి తెలిసిందే. అయితే.. అందుతున్న లేటెస్ట్ అప్డేట్ ప్రకారం ఈ సినిమాలో మ‌రో హీరోయిన్ కూడా ఉంద‌ని స‌మాచారం.

కొమ‌రం భీమ్ పాత్ర‌లో న‌టిస్తున్న ఎన్టీఆర్ ను ఓ గిరిజ‌న యువ‌తి ప్రేమిస్తుంద‌ట‌. ఆ యువ‌తి పాత్ర‌లో మ‌రో హీరోయిన్ ను తీసుకునేందుకు చూస్తున్నాడ‌ట రాజ‌మౌళి. అయితే.. ఆ పాత్రకు ఐశ్వ‌ర్య రాజేష్ అయితే బాగుంటుంద‌ని ఫిక్స్ అయిన‌ట్టు స‌మాచారం. మ‌రి, ఇందులో వాస్త‌వం ఎంత అనేది చూడాలి.