'ఆర్‌ఆర్‌ఆర్‌' సీక్వెల్‌ కన్ఫర్మ్‌.. ఐడియా ఎవరిదో తెలుసా?

టాలీవుడ్‌ జక్కన్న రాజమౌళి దర్శకత్వంలో రూపొందిన ఆర్ ఆర్‌ ఆర్‌ సినిమా భారీ విజయాన్ని సొంతం చేసుకుంది. దేశ వ్యాప్తంగానే కాకుండా ప్రపంచ వ్యాప్తంగా కూడా ఆర్ఆర్‌ఆర్‌ సినిమా సత్తా చాటింది. అద్భుతమైన వసూళ్లు నమోదు చేయడం మాత్రమే కాకుండా నెట్‌ ఫ్లిక్స్ లో స్ట్రీమింగ్‌ అయ్యి అంతర్జాతీయ మీడియా దృష్టిని కూడా ఆకర్షించింది.

ఎన్నో అవార్డులు.. రివార్డులు దక్కించుకున్న ఆర్‌ ఆర్‌ ఆర్‌ సినిమా ఇప్పుడు ఆస్కార్‌ వేటలో పడింది. ఆస్కార్ అవార్డు ను దక్కించుకున్నా లేకున్నా కచ్చితంగా నామినేషన్స్ ను దక్కించుకుంటుందని ప్రతి ఒక్కరు నమ్మకంతో ఉన్నారు.

ఇప్పటికే బెస్ట్‌ ఒరిజినల్‌ సాంగ్‌ కేటగిరీలో షార్ట్‌ లిస్ట్‌ లో ప్లేస్ దక్కించుకున్న ఈ సినిమా ముందు ముందు మరిన్ని సంచలనాలు సృష్టించడం ఖాయం.

ఇంతటి భారీ విజయాన్ని సొంతం చేసుకున్న ఆర్‌ ఆర్‌ ఆర్‌ సినిమా యొక్క సీక్వెల్‌ ఇప్పటికే కన్ఫర్మ్‌ అయ్యింది. రాజమౌళి స్వయంగా మీడియాతో సీక్వెల్‌ చేయబోతున్నట్లుగా ప్రకటించాడు. తాజాగా మరోసారి ఈ సినిమా యొక్క సీక్వెల్‌ గురించి చేసిన వ్యాఖ్యలు అందరి దృష్టిని ఆకర్షిస్తున్నాయి.

ఆర్‌ఆర్ఆర్‌ సినిమా యొక్క సీక్వెల్‌ స్టోరీ లైన్ కూడా రెడీ అయినట్టు రాజమౌళి పేర్కొన్నారు. సీక్వెల్‌ కి స్టోరీ లైన్ ఐడియా కీరవాణి ఇచ్చారని రాజమౌళి పేర్కొన్నారు. ఆ ఐడియాతో ఇప్పుడు విజయేంద్ర ప్రసాద్‌ కథను సిద్ధం చేస్తున్నారు.

మహేష్ బాబు తో జక్కన్న తదుపరి సినిమా ఉండబోతుంది. రాజమౌళి త్వరలో చేయబోతున్న మహేష్ బాబు సినిమా తర్వాత ఆర్ఆర్‌ఆర్ సీక్వెల్‌ ను పట్టాలెక్కించే అవకాశాలు ఉన్నాయి. సీక్వెల్‌ కోసం ప్రతి ఒక్క ఇండియన్ సినీ ప్రేక్షకుడు ఎదురు చూస్తున్నాడు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.