RRR వ‌ర్సెస్ KGF2.. 2022లో ఏది ఫేవ‌రెట్?

2022 మోస్ట్ అవైటెడ్ మూవీగా అత్యంత భారీగా విడుద‌ల‌వుతోంది. ముఖ్యంగా హిందీ బెల్ట్ లో ఈ సినిమాకి విప‌రీత‌మైన బ‌జ్ క్రియేటైంది. దేశ‌వ్యాప్తంగా అత్యంత భారీ క‌లెక్ష‌న్ల‌తో అసాధార‌ణ రికార్డులు క్రియేట్ అవుతాయ‌ని జ‌క్క‌న్న-దాన‌య్య‌ టీమ్ ఆశ‌గా ఉంది. ప్ర‌స్తుత ప్ర‌చారార్భాటం వ‌ల్ల ఆర్.ఆర్.ఆర్ గురించే మీడియా ఊద‌ర‌గొడుతోంది.

అయితే 2022 ఫేవ‌రెట్ మూవీ ఏది? అంటే.. కేవ‌లం ఆర్.ఆర్.ఆర్ మాత్ర‌మే కాదు.. హిందీ బెల్ట్ లో కేజీఎఫ్ 2 కి కూడా అంత‌కుమించిన బ‌జ్ ఉంద‌న్న‌ది నిజం. య‌ష్ ర‌ఫ్ యాటిట్యూడ్ .. గొప్ప క‌థాంశాన్ని ఎంచుకుని ప్ర‌శాంత్ నీల్ క్లాసీ టేకింగ్ ఉత్త‌రాది ఆడియెన్ ని స్పెల్ బౌండ్ చేశాయి. కేజీఎఫ్ కి హిందీ నుంచి భారీ వ‌సూళ్లు ద‌క్కాయి. దీంతో ఇప్పుడు పార్ట్ 2 పైనా భారీ అంచ‌నాలేర్ప‌డ్డాయి.

KGF 2 చిత్రం 2022 ఏప్రిల్ 14న విడుదల కానుంది. ఇప్ప‌టికే మెజారిటీ చిత్రీక‌ర‌ణ పూర్త‌యింది. ఇటీవలే హైదరాబాద్‌లో రవీన్ టాండన్ సన్నివేశాలను చిత్రీకరించారు. ఆ త‌ర్వాత ఇంకా KGF 2 షూటింగ్ ఇంకా కొనసాగుతోంది. ప్ర‌స్తుతం కేజీఎఫ్ 2 షూటింగ్ బెంగళూరులో జరుగుతున్న ఫోటోలు లీక‌య్యాయి. మానిటర్ వెనుక ప్రశాంత్ నీల్ టేకింగ్ ని ప‌రిశీలిస్తున్న ఫోటో వైర‌ల్ అయ్యింది. దీనిని బ‌ట్టి అత‌డు కొన్ని సీన్స్ ని పెండింగ్ సీన్స్ ని పూర్తి చేస్తున్నార‌నే భావించాలి.

ఇదే చివరి షూట్ అంటూ ఈ ఫోటోని షేర్ చేసిన క‌థానాయిక‌ శ్రీనిధి క్యాప్షన్ లో క్లారిటీగా షూట్ పూర్త‌యింద‌ని పేర్కొన్నారు. ఇక ఈ సినిమా గురించి చెబుతూ.. విజయవంతమైన కేజీఎఫ్‌కి ఇది సీక్వెల్. సంజయ్ దత్ వంటి వారితో ఒక పెద్ద స్టార్ ని జోడించాల‌న్న ఆలోచ‌న‌ను నిర్మాత‌ల్లో వ‌చ్చింది అంటే అంత పెద్ద స్పాన్ ఉన్న చిత్ర‌మిది. మూడు సంవత్సరాలు పూర్తి చేసుకున్న త‌రుణంలో ట్విట్టర్ లో కేజీఎఫ్ పోస్ట‌ర్లు ట్రెండ్ అయ్యాయి. నటుడు యష్ పుట్టినరోజు జనవరి 8న‌..కొత్త సంవత్సరంలో వస్తున్నందున మేకర్స్ KGF2 ట్రైలర్ ను ఆవిష్కరిస్తారని అభిమానులు ఆశిస్తున్నారు. అయితే ఆ ఆశ నెర‌వేరుతుందా లేదా టీమ్ ఏం ఆలోచిస్తోందో వేచి చూడాలి. పాన్ ఇండియా మూవీ ఆర్.ఆర్.ఆర్ త‌ల‌ద‌న్నేలా హిందీ బెల్ట్ లో బిజినెస్ సాగించే వీలుంద‌ని కేజీఎఫ్ 2 పై చ‌ర్చ సాగింది. మ‌రి ఆ స్థాయిలో ప్ర‌మోష‌న్స్ కూడా ఈ సినిమాకి అవ‌స‌రం. ప్ర‌శాంత్ నీల్- హోంబ‌లే బృందాలు ఎలా ప్లాన్ చేస్తున్నాయో వేచి చూడాలి.