రుద్ర‌మ‌దేవి హిందీ వెర్ష‌న్ రావట్లేదా?

గుణ‌శేఖ‌ర్ ద‌ర్శ‌క‌త్వం వ‌హించిన ప్ర‌తిష్ఠాత్మ‌క చిత్రం రుద్ర‌మ‌దేవి 3డి అక్టోబ‌ర్ 9న రిలీజ‌వుతున్న సంగ‌తి తెలిసిందే. ఈ సినిమా రిలీజ్ ఎలాంటి అడ్డంకి లేకుండా క‌న్ఫ‌మ్ అని చెప్పేశాడు గుణ‌శేఖ‌ర్‌. తెలుగు, త‌మిళ్‌ లో ఈ సినిమా రిలీజైపోతోంది. అయితే ఈ సినిమా హిందీ రిలీజ్ విష‌యంలోనే కొన్ని సందిగ్ధ‌త‌లు ఉన్నాయ‌ని చెప్పుకుంటున్నారు.

ఈ సినిమాని హిందీలో రిలీజ్ చేసేందుకు ఒక ప్రముఖ హీరో అండ్‌ ప్రొడ్యూసర్‌ రెడీ అయ్యార‌ని, అందు నిమిత్తం గుణ‌శేఖ‌ర్ 6 కోట్లు అడ్వాన్స్ తీసుకున్నాడ‌ని ముచ్చ‌టించుకున్నారు. అయితే ఇప్పుడు చివ‌రి నిమిషంలో వారు మ‌న‌సు మార్చుకుని ఈ సినిమాని రిలీజ్ చేయ‌డం లేద‌ని చెబుతున్నారు. మ‌రి ఇప్ప‌టికే తీసుకున్న అడ్వాన్స్‌ ని బ్యాక్ చేస్తున్నారా? లేదా అన్న‌ది తెలియ‌దు.. కానీ అయితే రుద్ర‌మ‌దేవి 3డి విష‌యంలో గుణ‌శేఖ‌ర్‌ కి చివ‌రి నిమిషం వ‌ర‌కూ ఏదో ఒక అడ్డంకి వ‌స్తూనే ఉన్నాయ్‌. మ‌రి ఇప్పుడు హిందీ రిలీజ్ చేసేదెవ‌రు?

రుద్ర‌మ‌దేవి చ‌రిత్ర బాహుబ‌లి త‌ర్వాత అంత పేరు తెస్తుంద‌న్న న‌మ్మ‌కం గుణ‌శేఖ‌ర్ కి ఉంది. ఇలాంటి టైమ్‌ లో ఈ బ్యాడ్ న్యూస్ ఏంటో? ఈ సినిమా దేశంలోనే తొలి హిస్టారిక‌ల్ 3డి సినిమా. అక్టోబర్‌ 9న రిలీజ్‌ అవ్వబోతోంది.