రుద్రమదేవి మళ్లీ వాయిదానా?

ఇప్పటికే జనాలు విసుగెత్తిపోయి ఉన్నారు ‘రుద్రమదేవి’ విషయంలో. మార్చి 26 మొదలుకుని ఇప్పటిదాకా ఎన్ని డేట్లు మారాయో లెక్కేలేదు. జూన్ 26న విడుదల పక్కా అన్నాక మళ్లీ వాయిదా వేయడం.. మళ్లీ సెప్టెంబరు 4కు రిలీజ్ డేట్ మారడం తెలిసిందే. ఈ డేటుకు ఆరు నూరైనా సినిమాన విడుదల చేసి తీరుతానని నొక్కి వక్కాణించాడు గుణశేఖర్. ప్రమోషన్ కూడా గట్టిగా చేస్తుండటం, రిలీజ్ డేట్ పోస్టర్లు కూడా రిలీజ్ చేయడంతో ఈసారి విడుదల పక్కా అని ఫిక్సయ్యారు తెలుగు ప్రేక్షకులు. కానీ ఇప్పుడు మళ్లీ ‘రుద్రమదేవి’ రిలీజ్ పై సందేహాలు ముసురుకుంటున్నాయి. కొత్త ఇబ్బందులేంటన్నది తెలియదు కానీ.. సినిమా సెప్టెంబరు 18కి వాయిదా పడుతున్నట్లు గుసగుసలు వినిపిస్తున్నాయి.

కొందరేమో ఫైనాన్స్ వ్యవహారాల్లో ఇబ్బందుల వల్ల వాయిదా అంటున్నారు. ఇంకొందరు పోస్ట్ ప్రొడక్షన్ ఇంకా పూర్తి కాలేదంటున్నారు. మరికొందరేమో తమిళ, మలయాళ వెర్షన్లకు సంబంధించి వర్క్ పూర్తవకపోవడం వల్ల జస్ట్ ఒకట్రెండు వారాలే పోస్ట్ పోన్ చేస్తున్నట్లు చెబుతున్నారు. మొత్తానికి నిన్న సాయంత్రం నుంచి రుద్రమదేవి వాయిదా వార్తలు వినిపిస్తున్నాయి. గుణశేఖర్ కూడా సైలెంటుగా ఉండటంతో వాయిదా ఖాయమే అనిపిస్తోంది. గుణశేఖర్ కష్టాన్ని దృష్టిలో ఉంచుకుని.. ఆ సినిమాకు అటు, ఇటు చెప్పుకోదగ్గ సినిమాలేమీ రిలీజ్ చేయట్లేదు. రుద్రమదేవి వచ్చిన రెండు వారాల నుంచి వేరే సినిమాలు వరుస కడుతున్నాయి. ఇప్పుడీ సినిమా వాయిదా అంటే మళ్లీ షెడ్యూల్స్ అన్నీ మారిపోతాయి. ఇది గుణశేఖర్ కూ ఇబ్బందే, వేరేవాళ్లకూ ఇబ్బందే. మరి ‘రుద్రమదేవి’ విషయంలో తెర వెనుక ఏం జరుగుతోందో ఏంటో?