రుద్ర‌మ‌ రావ‌డం క‌న్ఫ‌మ్‌ ఇక...

రుద్ర‌మ‌దేవి 3డి రిలీజ్ ఇంత‌కాలం స‌స్పెన్స్‌. ఈ సినిమా ఇప్ప‌టికే నాలుగైదు సార్లు పోస్ట్ పోన్ అయ్యింది. గుణ‌శేఖ‌ర్ డైల‌మా అంద‌రినీ ఇబ్బంది పెట్టింది. కాక‌తీయుల వైభ‌వాన్ని, రుద్ర‌మ‌దేవి విరోచిత పోరాటాల్ని వెండితెర‌పై 3డిలో చూసుకోవాల‌నుకున్న అభిమానులంద‌రికీ ప‌లుమార్లు నిరాశ త‌ప్ప‌లేదు. అయితేనేం .. అన్నీ ప‌క్కాగా పూర్తి చేసుకుని ఇప్పుడు రిలీజ్ కూడా ఖాయం చేసేసుకుంది.

రుద్ర‌మ‌దేవి 3డి రిలీజ్ ఎట్ట‌కేల‌కు ఫిక్స‌యిన‌ట్టే. అక్టోబ‌ర్ 9న ముందే చెప్పిన‌ట్టు రిలీజ్ చేసేయ‌డానికి రంగం సిద్ధ‌మైంది. అందుకు సెన్నార్ స‌ర్టిఫికేష‌న్ ఓ ప్రూఫ్‌. భార‌త‌దేశంలోనే తొలి 3డి హిస్టారిక‌ల్ సినిమా సెన్సార్ పూర్త‌యింది. సెన్సార్ బృందం ఈ చిత్రానికి యు/ఎ సర్టిఫికెట్ ఇచ్చి స‌త్క‌రించింది. క్లీన్ సినిమాగా మెచ్చుకుంది. ఇక గుణ‌శేఖ‌రుడు హుషారే. ఇప్ప‌టికే 60 కోట్లు పైగా ఖ‌ర్చ‌య్యింద‌ని చెబుతున్నారు.

అయితే రుద్ర‌మ‌దేవి విజ‌యం పూర్తిగా కంటెంట్‌ పై, క్వాలిటీ ఆఫ్ వ‌ర్క్‌ పై ఆధార‌ప‌డి ఉంది. గుణ‌శేఖ‌రుడు తీర్చిదిద్దిన విజువ‌ల్స్ 3డిలో మెస్మ‌రైజ్ చేస్తే ఇక అసాధార‌ణ విజ‌యం సాధించిన‌ట్టే. తెలుగుతో పాటు, త‌మిళ్‌ - హిందీలోనూ ఈ సినిమా సైమ‌ల్టేనియ‌స్‌ గా రిలీజ్ కానుంది. అలాగే మిగ‌తా భాష‌ల్లోని అనువాద‌మై రిలీజ‌వుతుంది. త‌మిళ్‌ - హిందీ వెర్ష‌న్ల‌కు ఇంకా సెన్సార్ జ‌ర‌గాల్సి ఉంది.