మన 'హిట్‌' బ్యూటీకి బాలీవుడ్ పిలుపు

ఈమద్య కాలంలో సౌత్‌ స్టార్స్ కు బాలీవుడ్‌ లో మంచి డిమాండ్‌ ఉంటుంది. బాలీవుడ్‌ లో సినిమాల్లో నటించే అవకాశాలు వరుసగా వస్తున్నాయి. తెలుగు లో నటించిన హీరోలు మరియు హీరోయిన్స్ కు బాలీవుడ్‌ లో మంచి డిమాండ్ ఉంది. తెలుగు లో చిలసౌ సినిమా తో పరిచయం అయ్యి హిట్‌ మరియు డర్టీ హరి సినిమాల్లో నటించి మెప్పించిన రుహాని శర్మకు కూడా బాలీవుడ్‌ నుండి పిలుపు వచ్చింది. ఈ అమ్మడు తెలుగు లో మెల్ల మెల్లగా పాదుకు పోతున్న సమయంలో తమిళంలో కూడా ఈమెకు ఆఫర్లు వస్తున్నాయి. ఈ సమయంలో ఈమె ను బాలీవుడ్‌ సినిమా అదృష్టం తట్టింది. సౌత్ లో సినిమాలు చేస్తూనే బాలీవుడ్‌ లో కూడా ప్రయత్నాలు చేస్తానంటూ ఈ అమ్మడు చెప్పుకొచ్చింది.

తెలుగు లో ఈమె విశ్వక్ సేన్ కు జోడీగా హిట్‌ సినిమా లో నటించిన తర్వాత రెండు మూడు ఆఫర్లు వచ్చాయి. కాని ఇంతలోనే కరోనా వల్ల ఆ సినిమాలు మద్యలో ఆగినట్లుగా తెలుస్తోంది. ప్రస్తుతం రెండు మూడు సినిమాలు చర్చలు జరుపుతున్నారు. ఈ సమయంలో బాలీవుడ్‌ లో ఒక సినిమా ను చేసేందుకు ఈమె కమిట్‌ అయ్యింది. బాలీవుడ్‌ యంగ్ స్టర్ విక్రాంత్‌ మాసై హీరోగా నటిస్తున్న ఈ సినిమా తో దేవాంగ్ భవసార్ దర్శకుడిగా పరిచయం అవ్వబోతున్నాడు. నటిగానే కాకుండా అందంతో కూడా రుహాని శర్మ ఆకట్టుకుంది. ఆ హిందీ సినిమా కోసం పలువురు హీరోయిన్స్ ఆడిషన్స్ చేయగా రుహాని ఎంపిక అయ్యిందని బాలీవుడ్‌ వర్గాల వారు చెబుతున్నారు.

సౌత్‌ హీరోయిన్స్ ఈమద్య కాలంలో బాలీవుడ్‌ లో మంచి సక్సెస్ లు దక్కించుకున్నారు. కాని అక్కడ స్టార్‌ హీరోయన్స్‌ గా మాత్రం నిలువలేక పోయారు. పూజా హెగ్డే.. రష్మిక.. నయనతార.. సమంత ఇంకా పలువురు కూడా సౌత్‌ నుండి బాలీవుడ్‌ సినిమాలు చేస్తూ ఉన్నారు. వారి జాబితాలో రుహాని శర్మ నిలిచింది. మరి ఈ సినిమా షూటింగ్ ప్రారంభం అయ్యి సినిమా విడుదల అయిన తర్వాత సక్సెస్ దక్కించుకుని అక్కడ బిజీ అయ్యేనా అనేది చూడాలి. రుహాని శర్మ లో బాలీవుడ్‌ హీరోయిన్‌ గా గుర్తింపు తెచ్చుకునే సత్తా మరియు అందం ఉందని ఆమె అభిమానులు అభిప్రాయం వ్యక్తం చేస్తున్నారు. మరి ఏం జరుగుతుందో కాలమే నిర్ణయించాలి.