ప్ర‌భాస్ - కృతి ప్రేమాయ‌ణం.. ఇది కూడా గిమ్మిక్కేనా?

షూటింగ్ ద‌శ‌లోనే ప్రేమ‌లో ప‌డ్డారు ర‌ణ‌బీర్ క‌పూర్- ఆలియా జంట‌. బ్ర‌హ్మాస్త్ర షూటింగ్ పూర్త‌యి రిలీజ్ స‌మ‌యానికి పెళ్లి కూడా చేసుకున్నారు. ఇప్పుడు డార్లింగ్ ప్ర‌భాస్ పైనా అలాంటి రూమ‌ర్లు షికార్ చేస్తున్నాయి. అతడు ఆదిపురుష్ 3డి చిత్రీక‌ర‌ణ లో ఉండ‌గానే త‌న కోస్టార్ కృతి స‌నోన్ తో ప్రేమ‌లో ప‌డ్డాడ‌ని ఆ ఇద్ద‌రి మ‌ధ్యా కెమిస్ట్రీ అద్భుతంగా వ‌ర్క‌వుట‌వుతోంద‌ని గుస‌గుస‌లు వైర‌ల్ అవుతున్నాయి.

తాజాగా టీజ‌ర్ లాంచ్ ఈవెంట్లో ప్ర‌భాస్- కృతి మ‌ధ్య సాన్నిహిత్యానికి సంబంధించిన ఫోటోలు వీడియోలు అంత‌ర్జాలంలో ఇబ్బ‌డిముబ్బ‌డిగా వైర‌ల్ అవుతున్నాయి. ఈ వీడియోల‌లో ప్ర‌భాస్- కృతి ఒక‌రినొక‌రు ప్రేమ‌గా లాల‌న‌గా చూసుకోవ‌డం క‌నిపిస్తోంది. ప్ర‌భాస్ వెంటే ఉంటూ త‌న చెవిలో ఏదో ర‌హ‌స్యం కూడా చెబుతోంది కృతి. దానిని డార్లింగ్ అంతే శ్ర‌ద్ధ‌గా వింటున్నాడు. ఇక ఈ వేదిక‌పై చిత్ర‌బృందంతో పాటు కృతికి డార్లింగ్ అదిరిపోయే హ‌గ్గిచ్చాడు. ఇంకేం ఉంది ఈ స్నాప్ ల‌న్నీ అంత‌ర్జాలంలో క్ష‌ణాల్లో వైర‌ల్ అయ్యాయి. వీడియో మాంటేజెస్ ని షేర్ చేస్తూ ఇక ఆ ఇద్ద‌రూ లాక్ అయిన‌ట్టేన‌ని సోష‌ల్ మీడియాల్లో ర‌క‌ర‌కాల క‌థ‌నాలు వైర‌ల్ అవుతున్నాయి. ముఖ్యంగా బాలీవుడ్ మీడియాలో ఈ వార్త‌లో వేడెక్కిస్తున్నాయి.

నిజానికి సినిమా షూటింగ్ జ‌రుగుతుండ‌గా ఇలాంటి వార్త‌లు పుట్టించ‌డం బాలీవుడ్ పీఆర్ ప‌ని. నాయ‌కానాయిక‌లు నిండా ల‌వ్ లో మునిగార‌ని ఆ ఇద్ద‌రి కెమిస్ట్రీ అద్భుతంగా పండిందంటే డేటింగ్ లో ఉండ‌డ‌మే కార‌ణ‌మ‌ని ప్ర‌చారం చేస్తుంటారు. చూస్తుంటే ప్ర‌భాస్ -కృతి జంట‌పైనా ఇదే త‌ర‌హా ప్ర‌చారం సాగుతోంద‌ని అర్థ‌మ‌వుతోంది. నిజానికి ఈ జంట ప్రేమలో ఉన్నామ‌ని ప్ర‌క‌టించ‌లేదు. అధికారికంగా ఎలాంటి ధృవీక‌ర‌ణ‌లు ఏల‌వు. ఇవ‌న్నీ మీడియా ఊహాగానాలు మాత్ర‌మే.

అయితే 'వైరల్ వీడియోలు' మాత్రం ప్రభాస్-కృతి లింకప్ పై రూమర్ లకు ఆజ్యం పోస్తున్నాయి. ఆదిపురుష్ సహనటి కృతి సనన్ తో ప్ర‌భాస్ రహస్య సంబంధంలో ఉన్నాడని కొన్ని వారాలుగా ప్ర‌చారం సాగుతూనే ఉంది. ఒక‌రినొక‌రు ఇష్ట‌ప‌డుతున్నా త‌మ‌ సంబంధాన్ని వెల్లడించడానికి ఆసక్తి చూపడం లేదని కొన్ని మీడియాలు క‌థ‌నాలు వెలువ‌రించాయి.

ప్ర‌చార కార్య‌క్ర‌మాల్లో కృతి స‌నోన్ తన చీర కొంగును #ప్రభాస్‌కి అందించి అతని చెమటను తుడుచుకునేందుకు స‌హ‌క‌రించింది.. ఇది గొప్ప బంధం..!! అంటూ ఒక నెటిజ‌నుడు ట్వీట్ చేసాడు. టీజర్ లాంచ్ కార్యక్రమంలో ప్రభాస్ - కృతి న‌డుమ‌ కొన్ని అందమైన క్షణాలు ఆక‌ర్షించాయి. ఒకానొక సమయంలో ప్రభాస్ కు చెమటలు పట్టాయి. అతను దానిని తన చేతితో తుడుచుకునే క్ర‌మంలో కృతి అతనికి తన చీర కొంగు (దుపట్టా)ను అందించింది. ఇప్పుడు ఈ క్లిప్ సోషల్ మీడియాలో వైరల్ అవుతోంది. సరే బై #ప్రభాస్ #కృతీ ఈ జంట ప్రేమలో ఉన్నారు.. అంటూ వేరొక అభిమాని దీనికి స్పంద‌న‌గా ట్వీట్ చేసారు.

ఆదిపురుష్ 2023 జనవరి 12న ప్రపంచవ్యాప్తంగా విడుదల కానుంది. ఓం రౌత్ ఈ చిత్రానికి దర్శకత్వం వహించారు. రామాయ‌ణం స్ఫూర్తితో రూపొందిన ఈ చిత్రంలో ప్ర‌భాస్ శ్రీ‌రాముడిగా న‌టించ‌గా.. కృతి సీత పాత్ర‌లో న‌టించింది. రావ‌ణుడు (లంకేష్) పాత్ర‌లో సైఫ్ అలీఖాన్ న‌టించారు. తాజాగా రిలీజైన టీజ‌ర్ వైర‌ల్ గా దూసుకెళుతోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.