రామ్ - బోయపాటి ప్రాజెక్ట్ పై కొత్త రూమర్..?

ఉస్తాద్ రామ్ పోతినేని మరియు మాస్ డైరెక్టర్ బోయపాటి శ్రీనివాస్ కాంబినేషన్ ఓ సినిమా తెరకెక్కుతున్న సంగతి తెలిసిందే. ఇప్పటికే పూజా కార్యక్రమాలతో లాంఛనంగా ప్రారంభించిన ఈ సినిమా రెగ్యులర్ షూటింగ్ త్వరలోనే ప్రారంభం కాబోతోంది.

'అఖండ' వంటి బ్లాక్ బస్టర్ సక్సెస్ తర్వాత బోయపాటి శ్రీను టేకాఫ్ చేసిన ప్రాజెక్ట్ ఇది. తొలిసారిగా ఎనర్జిటిక్ హీరో రామ్ తో కలిసి చేయబోతున్న చిత్రం కావడం.. దర్శక హీరోల కెరీర్ లో రూపొందే ఫస్ట్ పాన్ ఇండియా సినిమా అవ్వడంతో అందరిలో ఆసక్తి నెలకొంది.

#BoyapatiRapo అనేది బోయపాటి మార్క్ కమర్షియల్ హంగులతో కూడిన మాస్ యాక్షన్ ఎంటర్టైనర్ అని టాక్. దర్శకుడు ఇదివరకే ఈ సినిమా స్క్రిప్ట్ ను లాక్ చేసినట్లు టాక్. ఇది బోయపాటి మరియు రామ్ కెరీర్ లలోనే కాస్ట్లీ మూవీ అవుతుందని అంటున్నారు.

భారీ స్థాయిలో ప్లాన్ చేస్తున్న ఈ ప్రాజెక్ట్ కోసం దాదాపు వంద కోట్ల బడ్జెట్ కేటాయించిన‌ట్టు నెట్టింట ప్రచారం జరుగుతోంది. ఈ నేపథ్యంలో శ్రీనివాస సిల్వర్ స్క్రీన్ సంస్థతో పాటుగా నిర్మాణంలో మరో బ్యానర్ భాగస్వామిగా చేరడానికి మంతనాలు జరుగుతున్నాయని రూమర్స్ వినిపిస్తున్నాయి.

ఈ నేపథ్యంలో జీ గ్రూప్ వారు బోయపాటి-రామ్ సినిమాలో చేరడానికి మేకర్స్ తో చర్చలు జరుపుతున్నారని వార్తలు వస్తున్నాయి. రామ్ తో 'ది వారియర్' సినిమా తీసి నష్టపోయిన నిర్మాత.. ఇప్పుడు బడ్జెట్ సమస్యలు తలెత్తకుండా చూసుకోవాలని ఆలోచిస్తున్నట్లు పుకార్లు షికార్లు చేస్తున్నాయి.

నిజానికి చాలా రోజుల క్రితమే ప్రీ ప్రొడక్షన్ వర్క్ పూర్తి చేసుకున్న RAPO20 చిత్రాన్ని సెప్టెంబర్ లోనే సెట్స్ మీదకు తీసుకెళ్లాలని మేకర్స్ ప్లాన్ చేసుకున్నారు. దీనికి తగ్గట్టుగానే హీరో రామ్ మేకోవర్ అయ్యాడు. కానీ అనుకున్న విధంగా రెగ్యులర్ షూటింగ్ మొదలు కాలేదు.

అదే సమయంలో రామ్ పోతినేని తో తదుపరి సినిమా చేయనున్నట్లు డైరెక్టర్ గౌతమ్ వాసుదేవ్ మీనన్ ఇటీవల ప్రకటించారు. దీంతో బోయపాటి శ్రీను ప్రాజెక్ట్ కంటే ముందుగా.. గౌతమ్ తో రాపో సినిమా ప‌ట్టాలెక్కుతుందేమో అనే విధంగా ఊహాగానాలు వచ్చాయి.

అలాంటిదేమీ లేదని.. బోయపాటి శ్రీను సినిమానే ముందుగా సెట్స్ మీదకు వెళ్తుందని చిత్ర వర్గాలు దృవీకటించినట్లు సోషల్ మీడియాలో వార్తలు చక్కర్లు కొడుతున్నాయి. దసరా పండుగ తర్వాత ఈ సినిమా రెగ్యులర్ షూటింగ్ స్టార్ట్ చేస్తారని చెప్పుకుంటున్నారు.

BoyapatiRapo చిత్రంలో రామ్ సరసన 'ఏజెంట్' ఫేమ్ సాక్షి వైద్య హీరోయిన్ గా నటించే అప్అవకాశం ఉందని టాక్ వినిపిస్తోంది. శ్రీనివాసా చిట్టూరి నిర్మించే ఈ సినిమాకి ఎస్ ఎస్ థమన్ సంగీతం సమకూరుస్తున్నారు. సెట్స్ మీదకు వెళ్లే ముందు నటీనటులు మరియు ఇతర సాంకేతిక నిపుణుల వివరాలు వెల్లడించే అవకాశం ఉంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.