సర్కారు వారి సంక్రాంతి సందడి ఉందా? లేదా?

మహేష్ బాబు హీరోగా కీర్తి సురేష్ హీరోయిన్ గా పరశురామ్‌ దర్శకత్వంలో రూపొందుతున్న సర్కారు వారి పాట సినిమా ను సంక్రాంతి కానుకగా విడుదల చేస్తామంటూ గత ఏడాది ఆరంభం నుండే ప్రకటిస్తూ వచ్చారు. కాని మహేష్ బాబు టీమ్‌ పెద్ద సినిమాలైన ఆర్ ఆర్‌ ఆర్‌ మరియు రాధే శ్యామ్‌ ల కోసం త్యాగం చేసింది. సంక్రాంతి సీజన్‌ ను వదిలేస్తున్నట్లుగా ప్రకటించి సమ్మర్ కు షిప్ట్‌ అయ్యింది. సర్కారు వారి పాట సంక్రాంతి సీజన్‌ ను మిస్ చేసుకున్నా ప్రేక్షకుల కోసం సంక్రాంతి సర్‌ ప్రైజ్ ను ఇవ్వబోతున్నట్లుగా వార్తలు వచ్చాయి. సర్కారు వారి పాట నుండి ఒక స్పైసీ అప్‌డేట్ ఖచ్చితంగా సంక్రాంతి సర్‌ ప్రైజ్ గా ఉంటుందని అంతా నమ్మారు. తాజా సమాచారం ప్రకారం సంక్రాంతికి సర్కారు వారి పాట అప్‌ డేట్ ఏమీ రావడం లేదు.

సూపర్‌ స్టార్‌ ఇంట రమేష్‌ బాబు మృతితో విషాదం చోటు చేసుకుంది. ఇంకా ఆ విషాదం నుండి మహేష్ బాబు ఫ్యామిలీ బయట పడలేదు. కరోనాతో బాధ పడుతున్న మహేష్ బాబు అన్న చివరి చూపుకు కూడా నోచుకోలేదు అంటూ అభిమానులు ఆవేదన వ్యక్తం చేస్తున్నారు. రమేష్ బాబు మృత దేహం వద్ద సూపర్‌ స్టార్‌ కృష్ణ కన్నీళ్లు పెట్టుకున్న సంఘటన అభిమానులు ఇప్పట్లో మర్చిపోలేరు. కుటుంబం మొత్తం దుఃఖం లో ఉన్నారు. ఇలాంటి సమయంలో సంక్రాంతి సందడి అంటూ సర్కారు వారి పాట నుండి అప్ డేట్ ఇవ్వడం కరెక్ట్‌ కాదనే అభిప్రాయం తో మేకర్స్ ఉన్నారు. అందుకే ఇప్పటికే సంక్రాంతి స్పెషల్‌ సిద్దం అయినా కూడా వాయిదా వేసినట్లుగా సమాచారం అందుతోంది.

సర్కారు వారి పాట సినిమా షూటింగ్ చివరి షెడ్యూల్‌ ప్రారంభం అవ్వాల్సి ఉండగా మహేష్‌ బాబు కోవిడ్‌ బారిన పడ్డాడు. దాంతో ఆయన షూటింగ్ లో జాయిన్ అయ్యేందుకు కొంత సమయం పట్టే అవకాశం ఉందని సమాచారం అందుతోంది. కనీసం రెండు మూడు వారాల పూర్తి విశ్రాంతి తర్వాత మాత్రమే ఆయన మళ్లీ రంగంలోకి దిగే అవకాశాలు ఉన్నాయంటూ వార్తలు వస్తున్నాయి. షూటింగ్‌ మరింతగా ఆలస్యం అయితే ఏప్రిల్‌ లో కూడా సర్కారు వారి పాట సినిమా విడుదల అయ్యే అవకాశాలు లేవు అంటూ ఇండస్ట్రీ వర్గాల వారు అంటున్నారు. సర్కారు వారి పాట బ్యాంకింగ్‌ రంగంలో ఉన్న లోపాలను కమర్షియల్‌ ఎలిమెంట్స్ తో చూపించబోతున్నట్లుగా తెలుస్తోంది. మహేష్ బాబు మరియు కీర్తి సురేష్ ల కాంబో లవ్ కమ్‌ రొమాంటిక్ సన్నివేశాలు ప్రతి ఒక్కరిని ఆకట్టుకుంటాయని మేకర్స్ చెబుతున్నారు. ఈ సినిమాకు థమన్ ఇస్తున్న పాటలు సినిమా స్థాయిని పెంచే విధంగా ఉంటాయని నమ్మకం వ్యక్తం అవుతోంది.