స‌రిలేరు ఐటెమ్.. అంతా గ్యాస్!

మ‌హేష్ క‌థానాయ‌కుడిగా న‌టిస్తున్న తాజా చిత్రం `స‌రిలేరు నీకెవ్వరు`. ర‌ష్మిక మంద‌న క‌థానాయిక‌. అనీల్ రావిపూడి ద‌ర్శ‌క‌త్వం వ‌హిస్తున్నారు. కాశ్మీర్ నుంచి వ‌చ్చిన సైనికుడు క‌ర్నూల్లో చేసిన ఆప‌రేష‌న్ ఏమిటో తెర‌పైనే చూడాల‌ట‌. ఈ చిత్రం లో సీనియ‌ర్ క‌థానాయిక‌ విజ‌య‌శాంతి ఓ ఆస‌క్తిక‌ర పాత్ర‌లో న‌టిస్తున్నారు. చాలా గ్యాప్ త‌ర్వాత లేడీ బాస్ రీఎంట్రీ ఇస్తుండ‌డం ఆసక్తిని రేకెత్తిస్తోంది. యాక్ష‌న్.. కామెడీ.. సంపూర్ణ వినోదంతో దూకుడు.. ఎఫ్ 3 రేంజు కామెడీ క‌ల‌గ‌ల‌పుతో ఈ చిత్రాన్ని తీర్చిదిద్దుతున్నార‌న్న స‌మాచారం ఉంది.

తాజా స‌మాచారం ప్ర‌కారం.. ఈ సినిమాలో ఓ ఐటెమ్ నంబ‌ర్ కోసం మిల్కీ వైట్ బ్యూటీ త‌మ‌న్నాను చిత్ర‌బృందం సంప్ర‌దించింద‌ని .. అదిరిపోయే మాస్ మ‌సాలా నంబ‌ర్ ని రెడీ చేస్తున్నార‌ని ప్ర‌చార‌మ‌వుతోంది. అయితే ఇది నిజ‌మా? అంటే అందులో ఎలాంటి నిజం లేద‌ని తెలిసింది. ఇందులో అస‌లు ఐటెమ్ నంబ‌ర్ కి ఆస్కారమే లేదు. కేవ‌లం ఇంట్ర‌డ‌క్ష‌న్ సాంగ్ ఉంటుంది. దానికోసం ఓ అగ్ర క‌థానాయిక‌ను సంప్ర‌దించే ఆలోచ‌న‌లో ఉన్నార‌ని తెలుస్తోంది. ఏకే ఎంట‌ర్ టైన్ మెంట్స్- జీఎంబీ ఎంట‌ర్ టైన్ మెంట్- శ్రీ వెంక‌టేశ్వ‌ర క్రియేష‌న్స్ సంస్థ‌లు ఈ చిత్రాన్ని నిర్మిస్తున్నాయి. 2020 జ‌న‌వ‌రి 12న సినిమా రిలీజ్ కానుంది.

ఇక‌పోతే త‌మ‌న్నా ప్ర‌స్తుతం `సైరా` స‌క్సెస్ ని పూర్తి స్థాయిలో ఎంజాయ్ చేసింది. ఇదే ఉత్సాహంలో త‌దుప‌రి చిత్రాల‌పైనా దృష్టి సారించింద‌ట‌. యాక్ష‌న్ .. బోలె చుడియాన్ (హిందీ) లాంటి భారీ చిత్రాల్లో న‌టిస్తోంది. ద‌టీజ్ మ‌హాల‌క్ష్మి రిలీజ్ కి రావాల్సి ఉంది.