మహేష్ హీరోయిన్స్‌.. నమ్మలేం బాబా!!

నేను శైలజతో సక్సెస్ సాధించిన కీర్తి సురేష్ కి లక్కీ ఛాన్సులు క్యూ కట్టాయంటున్నారు. తని ఒరువన్ తెలుగు రీమేక్ లో రామ్ చరణ్ పక్కన నటించేందుకు అడుగుతున్నారని, బ్రహ్మోత్సవం తర్వాత మహేష్ చేయనున్న మూవీ కోసం సంప్రదించారని అంటున్నారు. అయితే వీటిోల ఫైనలైజ్ అయ్యేవి ఎన్నో చెప్పలేం కానీ.. మహేష్ పక్కన భామల విషయంలో మాత్రం బోలెడన్ని పుకార్లు వస్తుంటాయి.

గతంలో బ్రహ్మోత్సవం స్టార్టింగ్ కి ముందు ఇలాగే చాలానే పేర్లు వినిపించాయి. ఇందులో ముగ్గురు హీరోయిన్లకు ఛాన్స్ ఉండడంతో.. బాలీవుడ్ నుంచి ఇద్దరిని దింపుతున్నారని, కనీసం ఒక్కరినైనా కన్ఫాం చేస్తారని అన్నారు. ఓ సారి దీపికా పదుకునే పేరు వినిపిస్తే, మరోసారి ఆలియా భట్ అన్నారు. చివర్లో పరిణీతి చోప్రాని అయితే కన్సల్ట్ చేసేశారని, పరిణీతి టాలీవుడ్ ఎంట్రీ ఫిక్స్ అయిపోయిందని ఊదరగొట్టేశారు. కానీ చివరకు ఏం జరిగింది.. కాజల్ - సమంత - ప్రణీతలతో సెటిల్ అయిపోయింది స్టోరీ. అన్నీ పాత మొహాలే. కనీసం ఒక్కళ్లని కూడా కొత్తగా తీసుకురాలేదని ఫ్యాన్స్ బాగా ఫీల్ అయ్యారు.

ఇప్పుడు మళ్లీ మురుగదాస్ తో మూవీ అనగానే కొత్త పేర్లు వినిపించడం స్టార్ట్ చేశాయి. నేను శైలజ హిట్ కాగానే కీర్తి సురేష్ పేరు మహేష్ పక్కన వినిపిస్తోంది. ఇంకా ఎన్ని పేర్లు వినాల్సొస్తుందో అనుకుంటున్నారు సూపర్ స్టార్ ఫ్యాన్స్ కూడా. మహేష్ ఎప్పుడో కానీ హీరోయిన్స్ విషయంలో ప్రయోగాలు చేయడు. చేసినవి కూడా అంతగా క్లిక్ కాలేదనే ఉద్దేశ్యంతో ఇలాంటి ఎక్స్ పెరిమెంట్స్ కి దూరంగా ఉంటాడనేది ఫ్యాన్స్ ఉద్దేశ్యం.