అవన్నీ రూమర్లు.. వెంకీమామ ఉంది!

అక్కినేని నాగ చైతన్య - సీనియర్ స్టార్ హీరో వెంకటేష్ కాంబినేషన్ లో తెరకెక్కనున్న 'వెంకీమామ' సినిమా ఆగిపోయిందని ఈరోజు వార్తలు వచ్చిన సంగతి తెలిసిందే. స్క్రిప్ట్ ఫైనల్ నేరేషన్ నిర్మాత సురేష్ బాబుకు నచ్చకపోవడంతో ప్రాజెక్ట్ ను పక్కన బెట్టారని అన్నారు. కానీ ఈ విషయంపై 'వెంకీమామ' టీమ్ క్లారిటీ ఇచ్చింది.

'వెంకీమామ' సినిమాను పక్కన పెట్టలేదని.. ఈ ప్రాజెక్ట్ తప్పకుండా ఉంటుందని క్లారిటీ ఇచ్చారు. వెంకీ ప్రస్తుతం 'F2' షూటింగ్ లో బిజీగా ఉన్నారని మరోవైపు చైతన్య 'సవ్యసాచి' షూటింగ్ లో పాల్గొంటున్నారని.. ఇద్దరూ ఫ్రీ అవ్వగానే 'వెంకీ మామ' సెట్స్ పైకి వెళ్తుందని అన్నారు. అంతే కాదు ఈ సినిమా రెగ్యులర్ షూటింగ్ నవంబర్ లో పక్కాగా మొదలవుతుందని కూడా క్లారిటీ ఇచ్చారు. ఎదేమైనా ఈ న్యూస్ అక్కినేని .. దగ్గుబాటి ఫ్యాన్స్ కు ఒక పెద్ద రిలీఫే.

హ్యూమా ఖురేషీ.. రకుల్ ప్రీత్ సింగ్ లు ఈ సినిమాలో హీరోయిన్లు. సురేష్ ప్రొడక్షన్స్ - పీపుల్స్ మీడియా ఫ్యాక్టరీ - కోన ఫిలిం కార్పోరేషన్ ఈ సినిమాను సంయక్తంగా నిర్మిస్తారు. 'జై లవకుశ' ఫేమ్ బాబీ ఈ సినిమాకు దర్శకుడు. కోన వెంకట్ ఈ సినిమాకు రచనా సహకారం అందిస్తున్నాడు.