కబాలి ఉన్న విమానం కాదులే వాడింది

సౌతిండియా సూపర్ స్టార్ రజినీకాంత్ నటించిన కబాలి మూవీ రిలీజ్ కి రెడీ అయింది. ఎప్పుడు రిలీజ్ అవుతుందనే మాటపై డౌట్స్ ఉన్నాయేమో కానీ.. విడుదలకు రెడీ అనే విషయంలో మాత్రం సందేహాలు లేవు. అయితే.. కబాలి రిలీజ్ చీటికీ మాటికీ పోస్ట్ పోన్ అవుతుండడంతో రకరకాల న్యూస్ పుట్టుకొస్తున్నాయి. మొదట రజినీకి హెల్త్ బాగోలేదని మొదలుకాగా.. ఇప్పుడు సినిమాలో కంటెంట్ పై కామెంట్స్ చేసే రేంజ్ కి వచ్చేశాయి.

లేటెస్ట్ గా కబాలిపై వినిపిస్తున్న న్యూస్ ఏంటంటే.. ఈ మూవీలో రజినీకాంత్ ఉపయోగించిన ఫ్లైట్ ని.. చీప్ పబ్లిసిటీ కోసం ప్రచారానికి వాడేస్తున్నారని అంటున్నారు. అంటే.. రజినీ బొమ్మ వేసుకుని మరీ ఆయన ఫ్లైట్స్ లో జర్నీ చేసేస్తాడట. అందుకోసం రెడీ చేసిన విమానాలను.. ఇప్పుడు పబ్లిసిటీ యాంగిల్ లో వాడేసుకుంటున్నారని న్యూస్ వినిపిస్తోంది. రూమర్లు గాసిప్పులకు కూడా అవార్డులు ఇచ్చే కల్చర్ ఉంటే.. ఈ ఏడాదికి గాను దీనికే బెస్ట్ సొల్లు కబురు అనే అవార్డును ప్రకటించాల్సిందే.

ఆ విమానాలపై స్పష్టంగా కనిపిస్తున్న మేటర్ ఏంటంటే.. రజినీ అనే వర్డింగ్. సినిమాలో వాడితే కబాలి అనే యాంగిల్ లో ఉండాలి. పైగా డెరెక్టెడ్ బై పా రంజిత్ అని అంత స్పష్టంగా కనిపిస్తుంటే.. అలాంటి విమానాలను సినిమాల్లో వాడారనడం కామెడీకి మించిన అతి.