శాతకర్ణిలో రానా.. కష్టమే గురూ!!

బాలయ్య తన వందో చిత్రంగా క్రిష్ దర్శకత్వంలో గౌతమీపుత్ర శాతకర్ణిని ప్రారంభించేశారు. ఇప్పటికే ఈ మూవీకి సంబంధించిన యుద్ధ సన్నివేశాలను మొరాకోలో చిత్రీకరిస్తున్నారు. త్వరలో మొరాకో షెడ్యూల్ కూడా పూర్తి కానుండగా.. శాతకర్ణిలో దగ్గుబాటి రానా ఓ కీలక పాత్ర పోషించనున్నాడనే వార్తలు చక్కర్లు కొడుతున్నాయి. శాతకర్ణిలో రానా పాత్రపై దర్శకుడు క్రిష్ కానీ, రానా కానీ, హీరో బాలకృష్ణ కానీ ఎటువంటి ప్రకటన చేయలేదు.

రానా నటిస్తే సినిమాకి మరింత ఆకర్షణ చేకూరుతుంది కానీ.. ప్రస్తుతం అందుకు అవకాశాలు లేవనే అంటున్నారు సినీ జనాలు. ప్రస్తుతం ఈ హీరో బాహుబలి 2 లో నటించాల్సి ఉంది. ఇది పీరియాడిక్ మూవీనే. అలాగే ఘాజీ అనే హిస్టారికల్ మూవీలోను నటిస్తున్నాడు. ఇది కాకుండా తమిళ్ లో కూడా ఓ పీరియాడిక్ చిత్రానికి ఒప్పుకున్నాడు రానా. ఇప్పుడు గౌతమీపుత్ర శాతకర్ణిలో కూడా ఇలాంటి పీరియాడిక్ మూవీనే. మళ్లీ ఇదే తరహా రోల్ ను ఒప్పుకుంటే.. చూసేవాళల్కు కూడా మొనాటనీ వచ్చేస్తుంది. రానా తప్ప వేరే కేరక్టర్ లేడా అనిపిస్తుంది.

వీటన్నిటికి తోడు శాతకర్ణిని జనవరినాటికి రిలీజ్ చేయాల్సి ఉంది. ఇదే సమయంలో బాహుబలి2 షూటింగ్ కి కూడా రానా అటెండ్ అవ్వాలి. అంటే శాతకర్ణి కోసం ఎక్కువగా డేట్స్ ఇచ్చేందుకు ఛాన్సులు లేవనే చెప్పాలి. సో.. గౌతమిపుత్ర శాతకర్ణిలో రానా పాత్ర.. ఒట్టి పుకారు మాత్రమే అని అర్ధం చేసుకోవాల్సిందే