నాయక్ సీక్వెలా? అబ్బే కాదు

టాలీవుడ్ స్టార్ దర్శకుల్లో వివి. వినాయక్ ఒకరని ప్రత్యేకంగా చెప్పనక్కర్లేదు. మాస్ లో హీరోల రేంజ్ కి ఘగ్గట్టుగా ఫుల్ పర్ఫెక్ట్ ఎంటర్టైన్మెంట్ ని జోడించాలంటే వినాయక్ ఒక్కడి వల్లే సాధ్యం అవుతుంది. అందుకే కొన్ని కీలకమైన కథలకు స్టార్ హీరోలు వినాయక్ నే దర్శకుడిగా ఎంచుకుంటారు. అందుకు ఉదాహరణగా చిరంజీవి రి ఎంట్రీ సినిమా ను చెప్పుకోవచ్చు. ఖైదీ నెం 150 కథ రీమేక్ సినిమా అయినా వినాయక్ ఎక్కడా తగ్గకుండా తెరకెక్కించడంతో ఎంతటి ఘన విజయాన్ని అందుకుందో తెలిసిందే.

అయితే కథ ఎలా ఉన్నా కూడా వినాయక్ దర్శకత్వం ప్రతిభ చాలా క్లియర్ గా కనిపిస్తూ ఉంటుంది. ఇక పోతే రామ్ చరణ్ తో తీసిన నాయక్ సినిమా యావరేజ్ అనే సంగతి తెలిసిందే. అయితే అదే తరహాలో అందుకు సీక్వెల్ ని ప్లాన్ చేస్తున్నాడని రూమర్స్ వస్తున్నాయి. ఆ సీక్వెల్ మరేదో కాదు. ప్రస్తుతం సాయి ధరమ్ తేజ్ తో వినాయక్ ఓ సినిమా చేస్తున్నాడు కదా!. అదే నాయక్ సీక్వెల్ అని ఇప్పుడు కొన్ని రూమర్లు చెక్కర్లు కొడుతున్నాయి. అంతే కాకుండా ఆ కథ వల్ల సాయి ధరమ్ తేజ్ కి వినాయక్ కి మధ్య గొడవలు జరిగాయని కూడా న్యూస్ లు ఓ రేంజ్ లో వస్తున్నాయి. కాని వీటన్నింటిలో నిజం లేదట.

ప్రస్తుతం సాయి - వినాయక్ కాంబోలో వస్తోన్న మూవీ చాలా కొత్త కథ అని ఇప్పటివరకు ఏ సినిమాలో ఉండని ఎంటర్టైన్మెంట్ ని దర్శకుడు చూపించబోతున్నడు అంటున్నారు సన్నిహితులు. దీంతో నాయక్ సీక్వెల్ అనేది పూర్తిగా అబద్ధం అని తెలిసింది. ఒక వేళ తీస్తే.. రామ్ చరణ్ తోనే వినాయక్ ఆ కథను తెరకెక్కిస్తాడు అని కూడా చిత్ర యూనిట్ లోని ఓ వర్గం వారు తెలిపారు. అయితే విషయం ఏంటంటే.. అసలు నాయక్ ఒక యావరేజ్ సినిమా కాబట్టి.. అలాంటి సినిమాకు సీక్వెల్ ప్లాన్ చేస్తారా?