శర్వా-వర్మ ఫిలిం: అవన్నీ గాసిప్పులట

శర్వానంద్ తాజా చిత్రం 'పడి పడి లేచే మనసు' డిసెంబర్లో ప్రేక్షకుల ముందుకు రానుంది. హను రాఘవపూడి దర్శకత్వంలో తెరకెక్కుతున్న ఈ సినిమా షూటింగ్ ఇప్పటికే పూర్తయింది.. ప్రస్తుతం పోస్ట్ ప్రొడక్షన్ జరుగుతోంది. ఈ సినిమాతో పాటుగా శర్వా సుధీర్ వర్మ దర్శకత్వంలో మరో సినిమాలో కూడా నటిస్తున్నాడు.

సుధీర్ వర్మ సినిమా కూడా కొంత భాగం టాకీ పార్ట్ షూట్ ఇప్పటికే జరిగింది. కాకపొతే ఈ సినిమా రీషూట్ల పై రీషూట్లు చేస్తుండడంతో చాలా డిలే అవుతోందని.. ఈ విషయంలో అసహనానికి గురైన శర్వా దర్శకుడికి అవుట్ పుట్ బాగాలేదని కొంత సమయం తీసుకొని స్క్రిప్ట్ పై మళ్ళీ వర్క్ చేయమని చెప్పాడని మీడియాలో వార్తలు హల్చల్ చేశాయి. అందుకే షూటింగ్ వాయిదా పడిందని అన్నారు. కానీ ఈ సినిమాకు సంబంధించిన యూనిట్ మెంబర్స్ ఇవన్నీ అర్థంపర్థం లేని వార్తలని కొట్టిపారేస్తున్నారు.

ఈ సినిమాకు సంబంధించిన తాజా షెడ్యూల్ కొరియాలో ప్లాన్ చేశారట. కానీ అక్కడ నెలకొన్న తీవ్రమైన వాతావరణ పరిస్థితుల వల్ల ఆ షెడ్యూల్ ను వాయిదా వేయడం జరిగిందని అంటున్నారు. ఒకసారి ఈ షెడ్యూల్ ఫిక్స్ అయితే ఇక గ్యాప్ లేకుండా షూటింగ్ చేస్తారట. సితార ఎంటర్ టైన్ మెంట్స్ బ్యానర్ పై తెరకెక్కుతున్న ఈ సినిమాలో కళ్యాణి ప్రియదర్శన్ హీరోయిన్ గా నటిస్తోంది.