రన్నింగ్ షాదీలు చేస్తున్న తాప్సీ

పింక్ మూవీతో బాలీవుడ్ కి తన యాక్టింగ్ ట్యాలెంట్ చూపించిన ఢిల్లీ బ్యూటీ తాప్సీ పన్ను.. ఇప్పుడు కొత్త సినిమాతో ప్రేక్షకుల ముందుకు వస్తోంది. రన్నింగ్ షాదీ.కాం అంటూ డిఫరెంట్ కాన్సెప్ట్ తెరకెక్కుతున్న ఈ చిత్రంలో అమిత్ సాధ్ కి జోడీగా నటిస్తోంది తాప్సీ.

ఇప్పుడీ రన్నింగ్ షాదీ.కాం మూవీ ట్రైలర్ రిలీజ్ చేశారు. హీరో హీరోయిన్లు తమ ఫ్రెండ్స్ కలిసి రన్నింగ్ షాదీ.కాం అనే వెబ్ సైట్ ప్రారంభిస్తారు. పారిపోయి పెళ్లిళ్లు చేసుకునేవారికి సాయం చేసే కాన్సెప్ట్ అన్నమాట. అరేంజ్డ్ మ్యారేజెస్ చేసేందుకు సైట్స్ ఉన్నపుడు.. పారిపోయి పెళ్లి చేసుకునే వారికోసం అంటూ ఈ సైట్ డిజైన్ చేస్తారు. దీనికి మళ్లీ లీగల్ గా అడ్డంకులు రాకుండా.. పెళ్లి పూర్తి చేసే ఏర్పాట్లు కూడా చేసుకుంటారు. కాన్సెప్ట్ సంగతి సరే కానీ.. ఈ మూవీలో తాప్సీ పన్ను యాక్టింగ్ హైలైట్ గా నిలుస్తోంది.

పెర్ఫామెన్స్ బేస్డ్ సీన్స్ లోనే కాదు.. కొన్ని చోట్ల రన్నింగ్.. యాక్షన్ సన్నివేశాలు కూడా చేయాల్సి వస్తోంది. ఆ జర్నీలోనే హీరోతో లవ్ లో పడుతుంది. తీయదలచుకున్న కాన్సెప్ట్ ని దర్శకుడు సూర్జిత్ సర్కార్ పర్ఫెక్ట్ గా తెరకెక్కించాడు. ట్రైలర్ చాలా ఇంట్రెస్టింగ్ గా అనిపించడంతో.. మూవీపై అంచనాలు పెరగడంలో ఆశ్చర్యం లేదు. తాప్సీ బాలీవుడ్ లో మరో హిట్ కొట్టేట్లుగానే కనిపిస్తోంది. విశేషం ఏంటంటే.. ఈ సినిమా చేశాక తాప్సీ తన చెల్లి షగున్ తో కలసి నిజంగానే వెడ్డింగ్ మేనేజ్మెంట్ కంపెనీ పెట్టేసింది.



Like Us on Facebook : https://www.facebook.com/Tupakidotcom/