ట్రైలర్ టాక్: అక్షయ్ మళ్లీ కుమ్మేశాడు

అక్షయ్ కుమార్ ఇప్పుడు సూపర్బ్ ఫామ్ లో ఉన్నాడు. కమర్షియల్ సినిమాలే కాదు.. రియల్ లైఫ్ ఆధారంగా తీస్తున్న మూవీస్ తో కూడా ఆకట్టుకుంటున్నాడు. బాక్సాఫీస్ దగ్గర కలెక్షన్స్ వర్షం కురిపిస్తున్నాడు. ఇప్పుడు రుస్తోం అంటూ మరోసారి ప్రేక్షకుల ముందుకు వస్తున్న బాలీవుడ్ ఖిలాడీ.. ఆ మూవీ ట్రైలర్ ను రిలీజ్ చేశాడు.

మహరాష్ట్రకు చెందిన నావల్ కమాండర్ కథను ఆసక్తికరంగా చూపించడంలో టిను సురేష్ దేశాయ్ సక్సెస్ అయ్యాడు. ఇలియానా హీరోయిన్ గా నటించింది. నావీ ఆఫీసర్ కి దేశభక్తి ఎక్కువ. దేశం కోసం ఏమైనా చేసేస్తాడు. అయితే తన భార్య వేరే వ్యక్తిని ప్రేమించడం తట్టుకోలేకపోయిన రుస్తోం పర్వీ.. అతన్ని కాల్చేస్తాడు. దీనిపై బోలెడన్ని సాక్ష్యాలు ఉంటాయి. కోర్టులో కూడా నిలబెడతారు. సాక్ష్యాలు కూడా బలంగానే ఉంటాయి కానీ.. ప్రజలంతా అతనికి మద్దతు నిలుస్తారు. కోర్టులో కేసు రకరకాల మలుపులు తిరుగుతూ ఉంటుంది.

తన భర్తని విడిపించుకునేందుకు ఎంతదూరమైనా వెళ్తానంటుంది హీరోయిన్ ఇలియానా. ఇలాంటి గ్రిప్పింగ్ స్టోరీని అద్భుతంగా తెరకెక్కించాడు దర్శకుడు. ముఖ్యంగా 1950ల నాటి విజువల్స్ ని అద్భుతంగా చూపించడం విశేషం. దేశంలోనే సంచలనం సృష్టించిన ఈ ఇన్సిడెంట్ పై ఇప్పటికే చాలా కథలు - నవలలు వచ్చాయి. కానీ ఫుల్ ప్లెడ్జెడ్ కమర్షియల్ మూవీగా తీసే సాహసం మాత్రం అక్షయ్ ఒక్కడికే ఉందని చెప్పాలి. ట్రైలర్ మొత్తం ప్రామిసింగ్ గా ఉండడంతో.. రుస్తోంతో మరో హిట్ కొట్టడం ఖాయంగా చెప్పచ్చు. స్టోరీ ప్రకారం ఇలియానా పాత్ర కీలకమే కానీ.. ట్రైలర్ లో పెద్దగా కనిపించలేదు.