ఆర్డీఎక్స్ లా పేల్తుందా ఏమో?

ఆర్.ఎక్స్ 100 బ్యూటీ పాయ‌ల్ రాజ్ పుత్ హార్స్ ప‌వ‌ర్ గురించి యూత్ చాలా ఆస‌క్తిగా మాట్లాడుకున్నారు. న‌టించిన తొలి సినిమాతోనే 1000 సీసీ బుల్లెట్టులా ముద్దు స‌న్నివేశాలు, బెడ్ రూమ్ సీన్స్ లో చెల‌రేగిపోయి న‌టించ‌డంతో ఈ అమ్మ‌డికి బోయ్స్ లో అసాధార‌ణ క్రేజు ఏర్ప‌డింది. పంజాబీ ఇండ‌స్ట్రీని ప‌క్క‌న పెట్టి మ‌రీ ప్ర‌స్తుతం టాలీవుడ్ అవ‌కాశాల్ని అందిపుచ్చుకుంటోంది. పాయ‌ల్ ఇటీవ‌ల త‌మిళంలో ఉద‌య‌నిధి స్టాలిన్ స‌ర‌స‌న ఓ భారీ క్రేజీ చిత్రంతో బిజీగా ఉన్న‌సంగ‌తి తెలిసిందే.

అలాగే తెలుగులోనూ తాజాగా ఓ కొత్త చిత్రానికి శ్రీ‌కారం చుట్టింది. ఈ చిత్రంలో నాయికా ప్ర‌ధాన పాత్రలో పాయ‌ల్ మైమ‌రిపించ‌నుంది. సి.కె.ఎంట‌ర్‌ టైన్‌ మెంట్స్ స‌మ‌ర్ప‌ణ‌లో హ్యాపీ మూవీస్ బ్యాన‌ర్‌ పై సిక‌ల్యాణ్ నిర్మిస్తున్న ఈ సినిమాకి RDX అనే టైటిల్ ని ఖ‌రారు చేశారు. విజ‌య‌వాడ కె.ఎల్‌.యూనివ‌ర్సిటీలో సినిమా లాంఛ‌నంగా ప్రారంభ‌మైంది. `అవ‌కాయ బిర్యానీ`, `హుషారు` చిత్రాల్లో న‌టించి మెప్పించిన తేజ‌స్ హీరోగా న‌టిస్తున్నారు. ఈ చిత్రంలో పాయ‌ల్ రాజ్‌ పుత్ పాత్ర అద్భుతంగా తీర్చిదిద్దార‌ని చెబుతున్నారు. విజ‌య‌వాడ‌లో 4 రోజులు షూటింగ్ .. త‌ర్వాత పోల‌వ‌రం, రాజమండ్రి ప‌రిస‌ర ప్రాంతాల్లో ఏక‌ధాటిగా 40 రోజులు షూటింగ్ చేయ‌నున్నారు.

RX 100 త‌ర్వాత మ‌రో ప‌వ‌ర్‌ ఫుల్ పాత్ర చేస్తున్నాన‌ని పాయ‌ల్ తెలిపారు. ఇక త‌న పాత్ర‌ను ద‌ర్శ‌కుడు భానుశంక‌ర్ తీర్చిదిద్దిన తీరు ఆక‌ట్టుకుంద‌ని వెల్ల‌డించింది. అయితే ఆర్డీఎక్స్ అనే టైటిల్ నే ఎందుకు పెట్టారు? అంటే ఆ స్థాయిలో పెలోడ్ లా పేలే పాత్ర‌లో న‌టిస్తుంద‌ని తెలుస్తోంది. అంటే ఈ చిత్రంలో టైటిల్ కి త‌గ్గ‌ట్టే ఓ ప‌వ‌ర్ ఫుల్ పోలీసాఫీస‌ర్ గా న‌టించ‌నుందా? లేక గ్యాంగ్ స్ట‌ర్ గా న‌టిస్తుందా? అన్న దానిపైనా అభిమానుల్లో ముచ్చ‌ట సాగుతోంది. పాయ‌ల్ తాజా ఫోటో షూట్ నుంచి బ్లాక్ డిజైన‌ర్ డ్రెస్ లో ఉన్న ఫోటోని అభిమానుల‌కు షేర్ చేసింది.