RX 100 కార్తికేయ సీక్రెట్ గా నిశ్చితార్థం!

చ‌డీ చ‌ప్పుడు లేని వాన‌లా ఈ నిశ్చిత‌ర్థం ప‌రిశ్ర‌మ వ‌ర్గాల‌కు బిగ్ షాకిచ్చింది. టాలీవుడ్ యంగ్ హీరో RX 100 కార్తికేయ సీక్రెట్ గా నిశ్చితార్థం చేసుకోవ‌డం చ‌ర్చ‌నీయాంశ‌మైంది. న‌టించిన తొలి చిత్రం RX 100 తో కార్తికేయ న‌టుడిగా నిరూపించుకుని పెద్ద స్టార్ గా ఎదిగేస్తున్నాడు. అత‌డిలోని గ్రేస్ ని మెగాస్టార్ అంత‌టి వారే ప్ర‌శంసించారు.

కార్తికేయ గుమ్మకొండ ఆ తర్వాత వ‌రుస‌గా సినిమాలతో క్ష‌ణం తీరిక లేనంత బిజీ అయ్యాడు. కార్తికేయ న‌టించిన చావు క‌బురు చ‌ల్ల‌గా ఇటీవ‌ల రిలీజైంది. అటు త‌మిళంలోనూ న‌టిస్తున్నాడు. త‌ళా అజిత్ సినిమా `వాలిమై` లో విల‌న్ గా న‌టిస్తూ స‌ర్ ప్రైజ్ ఇవ్వ‌నున్నాడు. తెలుగులో `రాజా విక్రమార్క`తో బిజీగా ఉన్నారు.

అయితే ఇంత బిజీ షెడ్యూళ్ల న‌డుమ అత‌డు సీక్రెట్ గా నిశ్చితార్థం చేసుకున్నాడు. ఇంకా ఈ విష‌యాన్ని గోప్యంగా ఉంచడం అభిమానుల‌ను ఆశ్చ‌ర్య‌ప‌రుస్తోంది. అయితే ఇలా ర‌హ‌స్యంగా నిశ్చితార్థం దేనికి? అంటే అత‌డు అంద‌రికీ స‌ర్ ప్రైజ్ ఇవ్వాల‌ని ప్లాన్ చేశార‌ట‌. ఇప్పుడు అత‌డు అమెరికాలో ఉన్నాడు. అట్నుంచి రాగానే ఈ విష‌యాన్ని అధికారికంగా చెబుతాడ‌ట‌. అయితే ఈ రెండిటికి సింకేంటి? అంటూ కొంద‌రు ఇంకా న‌మ్మ‌డం లేదు. అంద‌రిలాగా సోష‌ల్ మీడియాల్లో షేర్ చేస్తూ విష‌యం చెప్పాల‌ని అనుకోలేదా? దీనిని బిగ్ పార్టీతో స‌ర్ ప్రైజ్ చేయాల‌ని బావిస్తున్నారా? అన్న‌దానికి కార్తికేయ గుమ్మ‌డి కొండ స‌మాధాన‌మిస్తారేమో!