మెగా ఫ్యాన్ కి.. సోలో రిలీజ్ కిక్!!

'నేను అల్లు అర్జున్.. రామ్ చరణ్ లకు వీరాభిమానిని' అంటూ ఓపెన్ స్టేట్మెంట్ ఇచ్చేసి.. హీరోయిన్ మంజిమా మోహన్ మెగా ఫ్యాన్ లిస్ట్ లోను.. వాళ్ల గుడ్ లుక్స్ లోకి మంజిమా చేరిపోయిన విషయం మనకు తెలుసు. సాహసం శ్వాసగా సాగిపో చిత్రంతో టాలీవుడ్ అరంగేట్రం చేస్తున్న ఈ భామ.. తెలుగు ఫిలిం ఇండస్ట్రీ పై చాలానే ఆశలు పెట్టుకుంది. ఏడాది క్రితమే లక్కు లెక్క తేలిపోవాలి కానీ.. సాహసం లేట్ కావడం.. ఈమె ఫేట్ డిసైడ్ కావడాన్ని ఆలస్యం చేసేసింది.

ఇప్పుడు సాహసం శ్వాసగా సాగిపో రిలీజ్ కానుంది. అనుకోకుండా కలిసొచ్చిన అదృష్టం మాదిరిగా.. అసలు పోటీ లేకుండా విడుదల అయిపోతోంది. ఈ సాహసానికి అల్లరి నరేష్ ఇంట్లో దెయ్యం కాంపిటీషన్ ఇవ్వాల్సిందే కానీ.. అనుకోని పరిస్థితుల్లో వాయిదా పడింది. దీంతో సోలోగా సత్తా చాటే ఛాన్స్ అక్కినేని హీరో.. మెగా ఫ్యాన్ హీరోయిన్ సినిమాకు దక్కింది.

వెయ్యి.. 500 రూపాయల నోట్ల బ్యాన్ దెబ్బకు సాహసం కూడా వాయిదా తప్పదనే అనుకున్నారు. కానీ పేరుకు తగ్గట్లుగానే సాహసం చేసేందుకు ఈ చిత్రం రెడీ అయిపోయింది. పెద్ద నోట్లను బ్యాన్ చేసినా.. ఇప్పుడు బ్యాంకులు ఓపెన్ చేసేయడంతో 4వేలను వందలుగా మార్చుకున్నారు చాలామంది. ఏటీఎంలు కూడా పని చేస్తుండడంతో.. 2వేల రూపాయలకు వంద నోట్లు డ్రా చేసి పెట్టుకున్నారు మరికొందరు. మరి ఇందులోంచి ఒకట్రెండు నోట్లను.. మెగా ఫ్యాన్ మంజిమా మోహన్ మూవీకోసం వెచ్చిస్తారేమో చూడాలి.

Like Us on Facebook : https://www.facebook.com/Tupakidotcom/