'సాహో' డైరెక్టర్‌ ఓ ఇంటివాడవ్వబోతున్నాడు

‘రన్‌ రాజా రన్‌’ చిత్రంతో దర్శకుడిగా పరిచయం అయిన సుజీత్‌ రెండవ సినిమాకే ప్రభాస్‌ ను డైరెక్ట్‌ చేసే ఛాన్స్‌ దక్కించుకున్నాడు. అది కూడా భారీ బడ్జెట్‌ మూవీ అవ్వడంతో సుజీత్‌ పేరు కేవలం సౌత్‌ లోనే కాకుండా ఉత్తరాదిన కూడా మారుమ్రోగింది. ప్రస్తుతం ఈయన మలయాళ సూపర్‌ హిట్‌ మూవీ లూసీఫర్‌ ను మెగాస్టార్‌ చిరంజీవితో రీమేక్‌ చేసేందుకు స్క్రిప్ట్‌ రెడీ చేస్తున్నాడట. ఇదే సమయంలో సుజీత్‌ ఒక ఇంటి వాడు అవ్వబోతున్నాడు.

ఈనెల 10వ తారీకున ప్రవళ్లికతో సుజీత్‌ వివాహ నిశ్చితార్థంకు ఏర్పాట్లు జరుగుతున్నాయి. సుజీత్‌ ఇంకా ప్రవళ్లికల కుటుంబ సభ్యులు ఆ ఏర్పాట్లలో బిజీగా ఉన్నారట. టిక్‌ టాక్‌ స్టార్‌ గా ఇంకా స్క్రిప్ట్‌ రైటర్‌ గా సోషల్‌ మీడియాలో గుర్తింపు ఉన్న ప్రవళ్లికతో సుజీత్‌ కు గత కొన్నాళ్లుగా పరిచయం ఉంది. వీరి పరిచయం స్నేహంగా ఆ తర్వాత ప్రేమగా మారిందట.

వీరి ప్రేమకు ఒప్పుకున్న పెద్దలు పెళ్లికి గ్రీన్‌ సిగ్నల్‌ ఇచ్చారు. దాంతో వీరు పెళ్లికి రెడీ అయ్యారు. టిక్‌ టాక్‌ లో ప్రవళ్లిక సింగింగ్‌ వీడియోలు చాలా సార్లు వైరల్‌ అయ్యాయి. అలాగే నాని నటించిన ఒక సినిమాకు ఈమె రచయితగా కూడా చేసిందట. మొత్తానికి సుజీత్‌ ఒక ఇంటివాడు అవ్వబోతున్న నేపథ్యంలో ఆయన బంధు మిత్రులు మరియు ఫ్యాన్స్‌ శుభాకాంక్షలతో ముంచెత్తుతున్నారు.