నెక్స్ట్ సాహో నుంచి వచ్చేది అ పాటే

ఇప్పటికే రెండు ఆడియో సాంగ్స్ ఒక టీజర్ ని మార్కెట్ లో వదిలిన సాహో టీమ్ ఆ జోష్ సరిపోవడం లేదని గుర్తించి త్వరలో ఓ రేంజ్ రచ్చ తో ప్రమోషన్ గేర్ మార్చబోతున్నట్టుగా తెలిసింది. అందులో భాగం నెక్స్ట్ ఐటెం సాంగ్ ని రిలీజ్ చేయబోతున్నారని టాక్. ఇందులో జాక్వలిన్ ఫెర్నాండేజ్ తన హాట్ అందాలతో డాన్స్ చేయగా ఖచ్చితంగా చార్ట్ బస్టర్ గా నిలిచే రేంజ్ లో దీని ట్యూన్ కంపోజింగ్ జరిగిందట. ఎవరు స్వరపరిచారు అనే క్లారిటీ ఇంకా రాలేదు కానీ సాంగ్ మాత్రం మాములుగా ఉండదని వినిపిస్తున్న మాట.

ప్రభాస్ సినిమాల్లో ఇలాంటి మసాలా సాంగ్ చూసి చాలా ఏళ్ళు దాటింది. బాహుబలి రెండు భాగాలు వచ్చిన ఐదేళ్లలో దానికా అవకాశం దక్కలేదు. మిర్చిలోనూ మాస్ ఎలిమెంట్స్ టైటిల్ సాంగ్ లాంటివి ఉన్నాయి కానీ పీక్స్ అనిపించే ఐటెం నెంబర్ మాత్రం డార్లింగ్ కి దక్కలేదు. ఇప్పుడీ పాట ద్వారా ఆ కొరత పూర్తిగా తీరనుందట. ప్రభాస్ కూడా మంచి ఈజ్ ఉన్న స్టెప్స్ తో పిచ్చెక్కించడం ఖాయం అంటున్నారు. ఇది వింటే డార్లింగ్ ఫ్యాన్స్ ఆనందం గురించి వేరే చెప్పాలా.

విడుదలకు ఇంకా 24 రోజులే మిగిలి ఉన్న నేపథ్యంలో యువి సంస్థ నేషన్ వైడ్ టూర్ కు ప్లాన్ చేస్తోంది. పబ్లిసిటీ నాన్ స్టాప్ గా చేస్తూ ఇప్పటికే ఆకాశానికి చేరిన హైప్ ని రెట్టింపు చేసే ప్రణాళికతో ఉందట. అగస్ట్ 30 అని పదే పదే కన్ఫర్మ్ చేస్తున్నారు కాబట్టి ఇక ఆ తేదీలో ఎలాంటి మార్పు లేనట్టే. దర్శకుడు సుజిత్ ఫైనల్ కట్ చెకింగ్ కోసమే దాని తాలూకు వ్యవహారాలు హైదరాబాద్ లోనే స్వయంగా చూసుకుంటున్నాడు. ఇప్పుడీ పాతిక రోజులు ఎప్పుడెప్పుడు గడుస్తాయా అని అభిమానులే కాదు ఇలాంటి విజువల్ గ్రాండియర్ ని చూడాలని తపిస్తున్న ప్రతి సినిమా ప్రేమికుడు ఎదురు చూస్తున్నాడు