క్రికెట్‌ దేవుడి చరిత్ర వస్తోందహో!!

ఇండియన్ క్రికెట్ గాడ్.. సచిన్ రమేష్ టెండూల్కర్.. ఈ పేరు వినగానే వెయ్యి ఓల్టుల కరెంట్ జనరేట్ అవుతుంది. దేశంలో ఆటలకు, ముఖ్యంగా క్రికెట్ కు క్రేజ్ తీసుకొచ్చిన వారిలో సచిన్ పేరు ఫస్ట్ ప్లేస్ లో ఉండాల్సిందే. ఇప్పుడు సచిన్ చరిత్రను తెలియజేయడానికి ఓ సినిమా రూపొందుతోంది.

ప్రస్తుతం అజార్, ధోనీలపై కూడా బయోపిక్ లు తెరకెక్కుతున్నాయి కానీ... సచిన్.. ఎ బిలియన్ డ్రీమ్స్ కు ఓ స్పెషాలిటీ ఉంది. ఈ మూవీలో సచిన్ తన పాత్రను తనే చేస్తున్నాడు. ఇలా తన బయోపిక్ లో తనే నటించడం అనే అవకాశం అందరికీ వచ్చేది కాదు. అందుకే ఈ మూవీ ద్వారా సినీ ఇండస్ట్రీలో కూడా ప్రవేశిస్తున్నాడు సచిన్. ఇక ఫస్ట్ లుక్ విషయానికి వస్తే.. పూర్తిగా మాసిపోయిన ఓ ప్యాంట్, ప్యాడ్స్ కట్టుకుని వస్తున్న సచిన్ కనిపిస్తాడు. 55 రోజుల పాటు ట్రైనింగ్, ఒక జత ట్రౌజర్స్.. ఇదీ సచిన్ స్టోరీ.. అంటూ రాసిన డిస్క్రిప్షన్ ఆకట్టుకుంటుంది.

ఏప్రిల్ 14న సచిన్ మూవీకి టీజర్ విడుదల చేయబోతున్నారు. ఈ విషయాన్ని సచిన్ స్వయంగా ట్వీట్ ద్వారా చెప్పగా.. సచిన్ చేసిన ఈ పోస్ట్ ని.. ఇప్పుడు క్రికెటర్స్ అందరూ రీట్వీట్ చేస్తున్నారు. ఈ మూవీ చూసేందుకు నేను వెయిటింగ్ చేస్తున్నా అంటూ.. షారూక్ చేసిన ట్వీట్ అందరినీ ఆకట్టుకుంటోంది. జేమ్స్ ఎరిస్కిన్ అనే లండన్‌ కు చెందిన దర్శకుడు ఈ సినిమాను రాసి.. రూపొందిస్తున్నాడు.