'టార్చ్ లైట్' బ్యాక్ లుక్ లో కథానాయిక

జయం సినిమాతో టాలీవుడ్ లోకి అడుగుపెట్టిన మహారాష్ట్ర బ్యూటీ సదా రీసెంట్ గా సదాఫ్ మహ్మద్ సయ్యద్ అంటూ పాస్ పోర్టులో ఉన్న పేరునే స్క్ర్రీన్ నేమ్ మార్చుకున్న సంగతి తెలిసిందే. జయం సినిమాలో వెళ్లవయ్యా... వేళ్లు అనే డైలాగ్ తో ఎంతో ఫెమస్ అయినా ఈ కథానాయిక కెరీర్ లో పెద్దగా సక్సెస్ కాలేకపాయింది. ఒక్క అపరిచితుడు లాంటి పెద్ద సినిమాలో మాత్రం అవకాశం దక్కించుకున్న విషయం తెలిసిందే. ఆ తర్వాత కొందరి స్టార్ హీరోల సరసన నటించినా కూడా అంతగా పాపులర్ అవ్వలేదు.

మొన్నటి వరకు డ్యాన్స్ షోలకు జడ్జిగా వ్యవహరించి కెరీర్ ను బాగానే నెట్టుకొచ్చినా.. ఇప్పుడు ఆ అవకాశాలు కూడా తగ్గడంతో మళ్లీ హీరోయిన్ గా నిలదొక్కుకోవాలని డిసైడ్ అయ్యింది సదా. ప్రస్తుతం కోలీవుడ్ లో 'టార్చ్ లైట్' అనే సినిమాలో నటిస్తోంది. ఆ సినిమా ఫస్ట్ లుక్ రీసెంట్ గా రిలీజ్ అయ్యింది. నిజ జీవితంలోని ఘటనల ఆధారంగా తెరకెక్కిన ఈ సినిమాలో అమ్మడు వేశ్య పాత్రలో కనిపింబంచబోతోంది. ఈ మధ్య కాలంలో హీరోయిన్స్ అలాంటి బోల్డ్ క్యారెక్టర్స్ వస్తే సందేహించకుండా ఒకే చేసేస్తున్నారు. అనుష్క ఛార్మి శ్రియ వంటి స్టార్ హీరోయిన్స్ అలాంటి పాత్రలను చేసి నటనలో చాలా మెప్పించారు.

అయితే సదా కూడా ఇప్పుడు అదే స్థాయిలో క్రేజ్ సంపాదించుకోవాలని చూస్తోంది. బ్యాక్ లుక్ లో సొగసులను చూపిస్తోన్న లుక్ నామ మాత్రంగానే ఉంది. కాని ఈ పోస్టర్ చూస్తుంటే.. ఫైనల్ గా చిన్నసినిమాలు చేసుకునే పరిస్థితికి వచ్చిందని కొందరు నెటిజన్స్ కామెంట్స్ చేస్తున్నారు. ఇక మొదట ఈ సినిమా తెలుగులో కూడా వస్తోంది అని చెప్పారు. కానీ ఇప్పుడు కేవలం తమిళ్ లోనే ఫస్ట్ లుక్ ని రిలీజ్ చేయడంతో తెలుగులో రిలీజ్ ఉంటుందా లేదా అనే సందేహం కలుగుతోంది.