మెగా అక్కినేని డ్యాన్స్ సంబరం

సినిమా ఫంక్షన్లలో డ్యాన్సులు చూస్తూనే ఉన్నాం. గతంలో హీరోయిన్స్ మాత్రమే ఇలాంటి వేడుకల్లో డ్యాన్సులు చేసేవారు. కానీ ఇప్పుడు యంగ్ హీరోలు ట్రెండ్ మార్చేశారు. కొత్త హీరోల్లో కొందరు స్టేజ్ పై డ్యాన్సులు కుమ్మేస్తున్నారు. వీరిలో స్పెషల్ గా చెప్పాల్సింది మాత్రం.. సాయిధరం తేజ్.. అఖిల్ గురించే.

ఇప్పటివరకూ ఒక వంశం హీరోలు తమ సీనియర్ల పాటలకే డ్యాన్సులు వేసేవారు. కానీ గత రాత్రి ఐఫా ఉత్సవంలో ఓ విభిన్నమైన ఘటన చోటు చేసుకుంది. మెగాస్టార్ చిరంజీవి పాటలతో రూపొందించిన మెడ్లేకు.. అక్కినేని వారుసుడు అఖిల్ డ్యాన్సులు ఇరగదీసేశాడు. ఇది విపరీతమైన ఎగ్జైట్ మెంట్ కలిగిస్తే.. ఆ తర్వాత అక్కినేని నాగార్జున పాటలకు మెగా హీరో సాయిధరం తేజ్ వేసిన స్టెప్స్ అందరినీ ఆకట్టుకున్నాయి. దీనివరకే సంథింగ్ స్పెషల్ అంటే.. ఆ తర్వాత మరో విచిత్రం చోటు చేసుకుంది.

తేజు.. అఖిల్.. ఇద్దరూ కలిసి స్టేజ్ పైకి ఒకే సారి వచ్చేసి.. 'అమ్మడు.. లెట్స్ డు కుమ్ముడు' అంటూ డ్యాన్స్ కుమ్మేశారు. రెండు విభిన్న వంశాలకు చెందిన యంగ్ హీరోలు.. ఒకే వేడుకలో.. ఒకే పాటకు.. ఒకేసారి డ్యాన్స్ వేయడం.. మొత్తం ఈ వేడుకకే హైలైట్ గా నిలిచింది.

Like Us on Facebook : https://www.facebook.com/Tupakidotcom/