జవాన్ ట్రాక్ ఏంటో.. ఎక్కడికో..

సినీ హీరోల కుటుంబల నుంచి వచ్చి తెరంగ్రేటం చేస్తే వారసత్వం ఇమేజ్ ప్రతి సినిమాకి ఉపయోగపడదు అని వారసులే చెబుతుంటారు. కానీ కొందరు సినీ ఫ్యామిలీ బ్యాక్ గ్రౌండ్ తో వచ్చిన హీరోలు మొదట హిట్స్ బాగానే అందుకుంటున్న ఆ తర్వాత కొంచెం తడబడుతున్నారు. ప్రస్తుతం ఆ తరహాలో తడబడుతున్నాడు మెగా మేనల్లుడు సాయి ధరమ్ తేజ్. ఈ హీరో గత సినిమాల రిజల్ట్ ఎలా ఉన్నా అవకాశాలను మాత్రం బాగానే అందుకుంటున్నాడు.

దర్శకుల కథలను నమ్ముతున్నాడు గాని షూటింగ్ ను పట్టాలెక్కించేసరికి జనాల్లో కొత్త అనుమానాలను కదిలిస్తున్నాడు. ఇప్పుడు జవాన్ సినిమా కూడా ట్రాక్ సరిగ్గా ఎక్కిందా లేదా అని ప్రస్తుతం సినీ జనాలు అనుకుంటున్నారు. ఎందుకంటే ఈ సినిమా అసలైతే ఆగస్టు లోనే రిలీజ్ కావలి. కానీ బివిఎస్.రవి దర్శకత్వం లోపం వల్ల రీషూట్ చేయాల్సి వచ్చిందని ఒక టాక్ అయితే బాగా వచ్చింది. అది అబద్దం అని కూడా చిత్ర యూనిట్ తెలుపకపోవడంతో సినిమాపై కొంచెం నెగిటివ్ ఉంది. గతంలో బివిఎస్.రవి పలు సినిమాలకు మాటలు బాగానే అందించి సక్సెస్ అయ్యాడు. కానీ దర్శకుడి గా మాత్రం సక్సెస్ అవ్వలేదు. గోపీచంద్ తో తీసిన వాంటెడ్ మూవీ డిజాస్టర్ అయ్యింది. కానీ ఏది ఏమైనా సినిమాకి హైప్ తేవాలని చిత్ర యూనిట్ స్ట్రాంగ్ డిసిషన్ తీసుకుంది.

దీంతో సోషల్ మీడియాలో ప్రచారాన్ని మొదలు పెట్టింది. జవాన్ ఫస్ట్ హాఫ్ సూపర్ అని థమన్ అంటే.. ఇంటర్నేషనల్ లెవెల్ లో బ్యాక్ గ్రౌండ్ స్క్రోర్ ఇచ్చాడని దర్శకుడు పొగిడేశాడు. ఇక ‘బుగ్గంచున’ సాంగ్ కూడా సూపర్బ్ విజువల్స్ కేక అంటూ థమన్ మరో ట్వీట్ చేశాడు. ఇక హీరో సాయి ధరమ్ తేజ్ అయితే అంతా మా కోచ్ (డైరెక్టర్) దయ పుణ్యమే అంటూ తనదైన శైలిలో పొగిడితే క్రెడిట్ అంతా సాయి దే అన్నట్టు డైరెక్టర్ పొగిడేశారు. ఈ మొత్తం కామెంట్స్ ని చూస్తుంటే సినిమా కి ఎలాగైనా క్రేజ్ తేవాలని వీరు కష్టపడుతున్నట్లు తెలుస్తోందని అంటున్నారు నెటిజన్స్. చూద్దాం మరి వీరి కష్టం ఎంత వరకు సినిమాలో కనిపిస్తుందో..