ఎడారిలో మెగా బాబుతో రొమాన్స్

సాయి ధరం తేజ్ ఇప్పుడేం చేస్తున్నాడంటే.. హీరోయిన్ రాశి ఖన్నాతో సెల్ఫీలు తీసుకుంటున్నాడు. జైసల్మీర్ సమీపంలో ప్రస్తుతం సుప్రీం మూవీ షూటింగ్ శరవేగంగా జరుపుకుంటోంది. ఓ పాటతో పాటు అనేక సన్నివేశాలను కూడా ఇక్కడ తెరకెక్కించనున్నారు.

షాట్ గ్యాప్ లో తీసుకున్న సెల్ఫీలను రాశి ఖన్నా స్వయంగా తన సోషల్ నెట్వర్కింగ్ లో పోస్ట్ చేసింది. సుప్రీం మూవీ సెట్స్ లో సుప్రీం హీరోతో కలిసి.. ఎడారంతా పిచ్చిపిచ్చిగా తిరిగేస్తున్నామని కూడా చెబ్తోంది రాశి ఖన్నా. కుర్రాడు మంచి స్టైలింగ్ తో అదరకొట్టేస్తన్నాడు కానీ.. భామకే ఖాకీ డ్రస్ వేసేశారు. తప్పదు లెండి.. సుప్రీంలో అమ్మడి కేరక్టర్ పోలీస్ కదా మరి. అలాంటి డ్రస్సులే వేయాల్సి వస్తుంది మరి.

ఇక ఫోటోల్లో అయితే ఒకరికి ఒకరు అన్న రేంజ్ లో క్లోజ్ నెస్ చూపించేస్తున్నారు సాయి ధరం తేజ్ - రాశి ఖన్నా. ఇద్దరూ ఒకే రకమైన నవ్వులు - పోజులు - ఒకే రకంగా వెక్కిరింతలు. ఓసారి సెల్ఫీ తీసేసి మెగా కుర్రాడైతే.. ఇంకోసారి ఛాన్స్ రాశి ఖన్నాకి అన్నమాట. ఆఖరికి నీడలను పిక్ తీసి పోస్ట్ చేసినా ఇదే తంతు. మొత్తానికి ఇద్దరూ కలిసి జైసల్మీర్ లో బాగానే జైత్రయాత్ర చేస్తున్నట్లున్నారు.

దిల్ రాజు నిర్మిస్తున్న సుప్రీం.. ఇప్పుడీ ఎడారిలో రెండో షెడ్యూల్ షూటింగ్ జరుపుకుంటోంది. పటాస్ ఫేం అనిల్ రావిపూడి ఈ చిత్రానికి దర్శకుడు.