ఆ ఎయిర్ పోర్టులో మెగా మేనల్లుడికి షాకే

ఒక హీరో మీద ఫ్యాన్స్ కు ఉండే అభిమానం ఎలాంటిది అంటే.. ఆయన ఫ్యామిలీ నుండి ఎంతమంది వచ్చినా కూడా.. కాస్త ప్రూవ్ చేసుకుంటే చాలు వారిని ఆదరిస్తుంటారు. ఎన్టీఆర్ అండ్ ఏఎన్నార్ ఫ్యామిలీ వారసులకు అలాంటి ఆదరణ దక్కిన తరువాత.. మనం ఇప్పుడు మెగాస్టార్ చిరంజీవి ఇంటి నుండి వచ్చిన హీరోలకు కూడా అదే ఆదరణ చూస్తున్నాం. ఇప్పుడు అలాంటి ఆదరణ స్వయంగా మెగా మేనల్లుడు సాయిధరమ్ తేజ్ కు షాకిచ్చేసింది.

ప్రస్తుతం మాస్ స్పెషలిస్ట్ వివి వినాయక్ దర్శకత్వంలో ఓ సినిమాను చేస్తున్నాడు సాయిధరమ్ తేజ్. ఈ సినిమాలో అందాల రాక్షసి లావణ్య త్రిపాఠి హీరోయిన్ గా చేస్తోంది. అయితే ఈ సినిమా పాటలు మరియు రెండు యాక్షన్ సీన్స్ షూటింగ్ కోసం ఒమన్ దేశానికి పయనమయ్యారు యునిట్. అక్కడ మస్కట్ సిటీ విమానాశ్రయంలో దిగగానే.. సాయిధరమ్ కు షాక్కొట్టేసింది. మనోడు వస్తున్నాడని తెలుసుకున్న అక్కడి మెగాస్టార్ చిరంజీవి ఫ్యాన్స్ పెద్ద పెద్ద దండలతో ఎదురొచ్చి స్వాగతం పలికారు. టీమ్ మొత్తానికి భారీ లెవెల్లో పుష్పగుచ్చాలు అందించి.. దండలు వేసి.. స్వాగతల పలకడంతో.. కంగుతిని ఉబ్బితబ్బిబ్బయ్యారట.

అసలే తెలుగు సినిమాలు ఈ మద్యన దేశవిదేశాల్లో మార్కెట్ పెంచుకుంటూ పోతున్నాయంటే.. ఈ అభిమానులే కారణం. అందుకే అభిమాన దేవుళ్లు అంటూ ఎప్పుడూ మన పెద్ద పెద్ద స్టార్లందరూ వారికి చేతులెత్తి దండం పెట్టేది. తప్పులేదు.