పార్టీతో మెగా హీరో సందడి

యంగ్ హీరోల్లో యాక్టివ్ అండ్ ఎనర్జిటిక్ గా ఉండే హీరోల్లో సాయిధరమ్ తేజ్ ఒకడు. అతడున్న చోట అంతా సందడి సందడిగా ఉంటుందని అతడితో సినిమా తీసిన దర్శక నిర్మాతలంతా చెబుతూనే ఉంటారు. మెగా హీరోలు సాధారణంగా పార్టీ కల్చర్ కాస్త దూరంగా ఉన్నా సాయిధరమ్ తేజ్ మాత్రం పార్టీలకు తరచూ అటెండవుతూ వాటిలో జోష్ నింపుతుంటాడు.

రీసెంట్ గా తన బర్త్ డే సందర్భంగా హైదరాబాద్ లోని ఓ పోష్ పబ్ లో తేజు బ్రహ్మాండమైన పార్టీ ఇచ్చాడు. ఈ పార్టీకి తన ఫ్రెండ్స్ తోపాటు ఇండస్ట్రీలో తనకు సన్నిహితంగా ఉండే యంగ్ పీపుల్ అందరినీ కూడా ఆహ్వానించాడు. ఈ పార్టీకి వచ్చిన వారందరితో ఆ పబ్ లో విపరీతమైన సందడి కనిపించింది. ఈ పార్టీకి మెగా ప్రొడ్యూసర్ అల్లు అరవింద్ కూడా వచ్చి మొత్తం పార్టీ అయ్యేదాకా ఉండి ఆ వాతావరణాన్ని ఎంజాయ్ చేసి వెళ్లాడట. ఈ పార్టీకి ఇండస్ట్రీ నుంచి అల్లు శిరీష్ - కొరటాల శివ - గోపీచంద్ మలినేని - దిల్ రాజు - వెన్నెల కిషోర్ - మెహర్ రమేష్ తోపాటు తేజుతో సినిమాలు తీసిన పలువురు నిర్మాతలు అటెండయ్యారు. వీళ్లకు తోడు మాస్ మహారాజా రవితేజ కూడా తళుక్కన మెరిశాడు.

సాయి ధరమ్ తేజ్ లాస్ట్ రెండు సినిమాలు విన్నర్ - తిక్క బాక్సాఫీస్ ను ఏ మాత్రం ఆకట్టుకోలేకపోయాయి. దీంతో తన లేటెస్ట్ సినిమా జవాన్ పైనే అన్ని ఆశలు పెట్టుకున్నాడు. బి.వి.ఎస్. రవి ఈ సినిమాకు దర్శకుడు. మహానుభావుడు ఫేం మెహ్రీన్ హీరోయిన్ గా నటిస్తోంది.