మెగా స్పీడ్‌ లో మేనల్లుడు!!

మెగా హీరోల్లో చిరు మేనల్లుడు సాయిధ‌ర‌మ్ తేజ్ స్ట‌యిలే వేరు. కెరీర్ ఆరంభ‌మే పిల్లా నువ్వు లేని జీవితం - సుబ్ర‌మ‌ణ్యం ఫ‌ర్ సేల్ చిత్రాల‌తో విజ‌యాలు అందుకున్నాడు. ఎన‌ర్జిటిక్ పెర్ఫామెన్స్‌ - డ్యాన్సులు - ఫైట్స్ ఇలా అన్ని విభాగాల్లో సాయిధ‌ర‌మ్ త‌న‌ని తాను నిరూపించుకున్నాడు. అందుకే అత‌డిని న‌మ్మి ఇంత బ‌డ్జెట్ పెట్టొచ్చు అన్న క్లారిటీ మేక‌ర్స్‌ లో ఈ రెండు సినిమాల‌తో వ‌చ్చింది. అందుకే ఇప్పుడు అత‌డికి వ‌రుస‌గా సినిమా వెంట సినిమా క్యూక‌డుతున్నాయి.

ఇప్ప‌టికిప్పుడు సాయిధ‌ర‌మ్ ఓ రెండు సినిమాల్లో న‌టిస్తూ బిజీగా ఉన్నాడు. ఓ వైపు సుప్రీమ్‌ - మ‌రో వైపు తిక్క రెండు సినిమాల షూటింగుల్లో బిజీగా ఉన్నాడు. మెగా హీరోలే కాదు.. వేరే ఏ స్టార్ హీరో ఒకేసారి రెండు సినిమాల్లో న‌టిస్తున్న‌ది లేదు. చ‌ర‌ణ్‌ - బ‌న్ని - ప‌వ‌న్ అయితే తీరిగ్గా ఆచితూచి ఎంపిక‌లు చేసుకుంటున్నారు. వీళ్లంతా ఏడాదికి ఒక సినిమా చేయ‌డ‌మే గ‌గ‌నం అయిపోయింది. అలాగే ఇప్పుడున్న స్టార్ల‌లో సీనియ‌ర్ హీరోలు సైతం ఎంతో నెమ్మ‌దిగా ఒక్కో సినిమా చేస్తూ ముంద‌డుగు వేస్తున్నారు. కానీ సాయిధ‌ర‌మ్ ప‌ట్టుమ‌ని ప‌ది సినిమాల అనుభ‌వ‌మైనా లేకుండానే ఇంత స్పీడ్ మెయింటెయిన్ చేయ‌డం ఇండ‌స్ర్టీలో చ‌ర్చ‌కొచ్చింది.

కుర్రాడు దూకుడు మీదున్నాడు. వ‌రుస‌గా సినిమాలు చేస్తున్నాడు. ఒకేసారి రెండు సినిమాల సెట్స్‌ లో మ్యానేజ్ చేయ‌డం అంటే అంత వీజీ కాదు... నాటి రోజుల్లో అయితే సూప‌ర్‌ స్టార్ కృష్ణ మాత్ర‌మే అలా చేసేవారు అంటూ ముచ్చ‌టించుకుంటున్నారు. ఇదే త‌ర‌హాలో నారా రోహిత్ ఇటీవ‌లి కాలంలో ఒకేసారి రెండు సినిమాల్లో న‌టించ‌డం విశేషం.