మెగా మేనల్లుడు నెట్వర్కింగ్ బాగుందే!!

మొన్న మంచు మనోజ్ గుంటూరోడు సినిమా ఆడియో లాంచ్ కు వచ్చాడు. ఆ తరువాత ఎన్టీఆర్ కొత్త సినిమా మోషన్ పోస్టర్ ట్వీటేశాడు. జై లవ కుశ చాలా బాగుందంటూ కితాబిచ్చాడు. అంతకు ముందు గౌతమీపుత్ర శాతకర్ణి టీమ్ కు కూడా విషెస్ చెప్పాడు. ఇప్పుడు మెగా కోటరీకి మరో ముఖ్యమైన ప్రత్యర్ధి గురించి ఒక ట్వీటేశాడు.

''గూడఛారి అయిన తన తండ్రి లెగసీ కంటిన్యూ చేస్తూ.. మహేష్‌ అన్నయ్య స్పైడర్ గా ఇరగదీస్తున్నాడు'' అంటూ ట్వీటేశాడు సాయిధరమ్. పూర్వపు తెలుగు సినిమాల్లో గూడఛారి 116 అంటూ సీనియర్ హీరో కృష్ణ మన తెలుగువారికి కూడా జేమ్స్ బాండ్ తరహా పాత్రలను పరిచయం చేసిన సంగతి తెలిసిందే. అందుకే ఇప్పుడు సాయిధరమ్ అలా ట్వీటేశాడు. అయితే మెగా అండ్ మహేష్‌ అభిమానుల క్లాషెస్ గురించి తెలిసిన సాయిధరమ్.. ఇప్పుడు ఇలాంటి స్నేహపూర్వకమైన ట్వీట్లు వేస్తూ.. చక్కగా నెట్వర్కింగ్ చేసుకుంటూ పోతుంటే.. అబ్బో చూడ్డానికి భలే బాగుందే!!

ప్రస్తుతం బివిఎస్ రవి డైరక్షన్లో ''జవాన్'' సినిమా షూటింగులో బిజీగా ఉన్నాడు సాయిధరమ్ తేజ్. ఈ సినిమాలో మెహ్రీన్ హీరోయిన్ గా నటిస్తోంది. ఇక ఇప్పటికే షూటింగ్ పూర్తి చేసుకున్న ''నక్షత్రం'' సినిమాలో మనోడు ఒక ఆసక్తికరమైన గెస్ట్ ఎప్పీయిరన్స్ ఇచ్చాడు. అది సంగతి.