నలుగురు ఒకేసారి.. ఇదే మొదటిసారి

క్రియేటివ్ డైరెక్టర్ ట్యాగ్ ని ఎలాగైనా తిరిగి దక్కించుకునేందుకు తెగ ట్రై చేస్తున్నాడు దర్శకుడు కృష్ణవంశీ. సినిమాలు తీయడంలో ఈయన ట్యాలెంట్ పై అనుమానాలు లేకపోయినా.. వాటిని కమర్షియల్ హిట్స్ చేయడంలో మాత్రం కొన్నాళ్లుగా వెనకబడుతున్నాడు కృష్ణవంశీ. ఇటు తను ట్రాక్ లోకి రావడం.. అటు కమర్షియల్ గా సక్సెస్ కొట్టి చూపించడం ఒకేసారి చేసేందుకు గాను.. నక్షత్రం మూవీని ప్రతిష్టాత్మకంగా తెరకెక్కిస్తున్నాడు.

ఈ మూవీలో కుర్ర హీరో సందీప్ కిషన్.. యంగ్ బ్యూటీ రెజీనా కసాండ్రా జంటగా నటిస్తున్నారు. మెగా హీరో సాయిధరంతేజ్.. కంచె బ్యూటీ ప్రగ్యా జైస్వాల్ లు స్పెషల్ రోల్స్ లో కనిపించబోతున్నారు. వీరిద్దరూ చేస్తున్నవి ప్రత్యేకమైన పాత్రలే తప్ప గెస్ట్ రోల్స్ కాదని.. చెప్పుకోదగినంత స్క్రీన్ టైం ఉంటుందని తెలుస్తోంది. అయితే.. ఈ నలుగురు కలిసి ఒకే రోజు షూటింగ్ లో పాల్గొనడం ఇప్పుడే మొదలైంది. ఈ సందర్భంగా సందీప్ కిషన్.. తేజు.. రెజీనాలతో కలిసి దిగిన సెల్ఫీని షేర్ చేసింది ప్రగ్యా జైస్వాల్.

ఈ నలుగురి గెటప్ ను బట్టి చూస్తే.. వీళ్లంతా కలిసి ఏదో పాటకోసం షూటింగ్ లో పాల్గొంటున్నారని తెలిసిపోతోంది. మరోవైపు ఇదే ఫోటోను షేర్ చేసిన సాయిధరం తేజ్.. అందరికీ నక్షత్రం టీమ్ తరఫున హ్యాపీ దసరా చెప్పేశాడు.

Like Us on Facebook : https://www.facebook.com/Tupakidotcom/