చెర్రీ చేజారిపోయిన గ్యాంగ్ లీడర్

మెగాస్టార్ చిరంజీవి నటించిన సినిమాల్లో ఇప్పటికీ ఎప్పటికీ ఎవర్ గ్రీన్ మూవీ అంటూ గ్యాంగ్ లీడర్ ని చెప్పుకుంటారు మెగా ఫ్యాన్స్. ఆ మూవీని రీమేక్ చేయాలని ఉందంటూ గతంలో చిరు తనయుడు రామ్ చరణ్ చాలాసార్లే చెప్పాడు. చెర్రీ నుంచి గ్యాంగ్ లీడర్ రీమేక్ వస్తుందని మెగా ఫ్యాన్స్ చాలానే ఆశలు పెట్టుకున్నారు. కానీ ఇప్పుడా టైటిల్ ని మరో మెగా హీరో రిజిస్టర్ చేయించడంతో అభిమానులు కొంచెం డిజప్పాయింట్ అయ్యారు.

అసలు బ్రూస్ లీ రిలీజ్ కి ముందే గ్యాంగ్ లీడర్ టైటిల్ ప్రస్తావన వచ్చింది. ఆ చిత్రానికి మెరుపు, గ్యాంగ్ లీడర్ టైటిల్స్ ని కూడా పరిశీలించారు. కానీ చివరకు అది బ్రూస్ లీగా రిలీజ్ అయింది. అయితే సినిమా నిరుత్సాహ పరచడంతో గ్యాంగ్ లీడర్ లాంటి టైటిల్ వేస్ట్ కాలేదని సంతోషించాల్సి వచ్చింది. ఇప్పుడు సాయిధరం తేజ్ నటించనున్న ఓ సినిమా కి గ్యాంగ్ లీడర్ టైటిల్ ని రిజిస్టర్ చేయించాడు.

గోపీచంద్ మలినేని దర్శకత్వంలో తేజు నటించనున్న సినిమాకి గ్యాంగ్ లీడర్ టైటిల్ డిసైడ్ చేశారు. దీంతో చెర్రీ ఈ టైటిల్ ని కాని, ఈ రీమేక్ ని కానీ చేసే అవకాశం లేకుండా పోతోంది. అందుకే గ్యాంగ్ లీడర్ ని చెర్రీ రీమేక్ చేస్తే బాగుంటుందని మెగా ఫ్యాన్స్ కోరుకుంటున్నారు. కానీ గ్యాంగ్ లీడర్ టైటిల్ ని, కేరక్టరైజేషన్ ని సాయిధరం తేజ్ కూడా పక్కాగా చేయగలడనే వాదన వినిపిస్తోంది. మరి ఇందులో ఏ వెర్షన్ కి మెగా హీరోలు మొగ్గు చూపుతారో.