ఓ.. మెగా-నందమూరి ఫైనల్ కాలేదా?

మెగా హీరో సాయిధరం తేజ్.. నందమూరి వారసుడు కళ్యాణ్ రామ్ ల కాంబినేషన్ లో ఓ సినిమా వస్తోందటూ కొన్ని రోజులుగా న్యూస్ హల్ చల్ చేస్తోంది. ఈ శనివారం విడుదల కానున్న తిక్క మూవీకోసం ప్రమోషన్స్ చేస్తున్న సుప్రీమ్ హీరో సాయిధరం తేజ్.. కొన్ని ఇంట్రెస్టింగ్ డీటైల్స్ చెప్పాడు. ఒకదాని వెంట మరొకటి చొప్పున బ్రేక్ లేకుండా సినిమాలు చేస్తున్న తేజు.. కళ్యాణ్ రామ్ తో కాంబో ప్రాజెక్టు విషయంలో మాత్రం పదేపదే ఆలోచించాల్సి వస్తోంది.

తేజుతో పిల్లా నువ్వు లేని జీవితం చిత్రాన్న తీసిన ఏఎస్ రవికుమార్ చౌదరి.. తన మరుసటి ప్రాజెక్టులో కూడా మెగాహీరోని తీసుకోవాలని భావిస్తున్నాడు. ఇప్పటికే నందమూరికళ్యాణ్ రామ్ ఓ స్టోరీకి ఓకే చేసేయగా.. ఇందులో ఓ రోల్ కి తేజును తీసుకున్నారనే టాక్ వచ్చింది. అయితే.. తిక్క ప్రమోషన్స్ లో భాగంగా తన మరుసటి సినిమాల లిస్ట్ చదివేశాడు తేజు.గోపీచంద్ మలినిని దర్శకత్వంలో తేజు ఓ సినిమా చేయనుండగా. కృష్ణవంశీ నక్షత్రంలో పోలీస్ ఆఫీసర్ గా స్పెషల్ రోల్ చేస్తున్నాడు. కళ్యాణ్ రామ్ తో ఓ చర్చల్లోం ఉదన్నాడు సుప్రీమ్ హీరో.

మెగా హీరో ఇంత ఓపెన్ గా చెప్పేశాడంటే.. మెగా నందమూరి కాంబినేషన్ సెట్ కానట్లే అనుకోవాలి. ప్రస్తుతం ఈ సినిమాకి సంబంధించిన చర్చలు జరుగుతున్నాయని.. ఇప్పుడే ఫైనల్ డిసిషన్ చెప్పలేనంటూ.. మెగా నందమూరి సినిమాని మళ్లీ డౌట్ లో పెట్టేశాడు. డిస్కషన్స్ అయ్యాక అన్ని డీటైల్స్ చెప్తాడట తేజు.