సుప్రీమ్ హీరో సూపర్బ్ ఫైటింగ్

మెగా ఫ్యామిలీ నుంచి వచ్చిన హీరో సాయిధరం తేజ్.. అన్ని యాంగిల్స్ లోనూ తన మామయ్యలను గుర్తు చేస్తూనే ఉంటాడు. మెగాస్టార్ చిరంజీవి - పవర్ స్టార్ పవన్ కళ్యాణ్ లు కనిపించేలా యాక్టింగ్ ఇరగదీసేస్తూ ఉంటాడు. ఫైటింగ్స్ విషయంలో కూడా మామయ్యలను గుర్తు చేయడం ఈ సాయిధరం తేజ్ స్టైల్. ప్రస్తుతం సాయిధరం తేజ్ లేటెస్ట్ మూవీ 'సుప్రీం'ని శరవేగంగా పూర్తి చేసేస్తున్నాడు.

హైద్రాబాద్ లో సుప్రీం షూటింగ్ జరుగుతోంది. ఓ ఫైట్ సీన్ ని పిక్చరైజ్ చేస్తున్నారు. మరి హీరో అంటే.. తన జోలికొచ్చినా, తన వాళ్ల జోలికొచ్చినా ఊరుకోడు కదా. అలాగే ఊరు చివర ఉన్న అనాథాశ్రమం దగ్గర.. ఏదో గొడవ చేస్తున్నాడు విలన్. అంతే మన తేజుకి తెగ కోపమొచ్చింది. చకచకా ఆ ప్లేస్ కి తన ట్యాక్సీలో దూసుకొచ్చేసి... విలన్‌ ను ఇరగదీసేశాడు. ఇదీ ప్రస్తుతం సుప్రీం సినిమాకి సంబంధించి చిత్రీకరించిన ఫైట్ సీన్.

వెంకట్‌ మాస్టర్‌ ఈ ఫైట్ ను డిజైన్ చేయగా.. సాయిధరమ్‌ తేజ్‌ - రవికిషన్‌ పై ఈ సీన్స్ పిక్చరైజేషన్ జరుగుతోంది. పటాస్ ఫేం అనిల్ రావిపూడి దర్శకత్వంలో తెరకెక్కుతున్న సుప్రీంకి.. నిర్మాత దిల్ రాజు. హీరోయిన్ రాశి ఖన్నా ఓ పోలీస్ పాత్రలో ఈ సినిమాలో మెరవనుంది. ఇక మెగా సుప్రీం స్టార్ సాయి ధరం తేజ్ ట్యాక్సీ డ్రైవర్ గా కనిపిస్తూ సందడి చేయనున్నాడు.