పోలీసాఫీసర్ గా తేజు లుక్ సూపర్బ్

వరుస హిట్స్ రేస్ లోకి వచ్చిన సుప్రీం హీరో సాయి ధరం తేజ్.. వరుసగా రెండు చిత్రాలతో నిరాశపరిచాడు. గతేడాది తిక్క.. ఈ ఏడాది విన్నర్ చిత్రాలు మెగా ఫ్యాన్స్ ను నిరుత్సాహపరిచాయి. తేజు కూడా రెండు సినిమాలు ఫెయిల్ అవడంతో కొంత షాక్ తినేశాడు. ఈ సుప్రీం హీరో నటిస్తున్న లేటెస్ట్ మూవీ నక్షత్రం. కృష్ణవంశీ దర్శకత్వంలో రూపొందడంతో.. ఈమూవీపై అంచనాలు బాగానే ఉన్నాయి.

ఈ నక్షత్రంలో సందీప్ కిషన్ హీరో కాగా.. సాయి ధరం తేజ్ కీలక పాత్ర పోషిస్తున్నాడు. రెగ్యులర్ కేరక్టర్ కి తక్కువ.. గెస్ట్ కేరక్టర్ కి ఎక్కువగా ఈ రోల్ ఉంటుందని అంటున్నారు. ఈ సినిమాలో సాయిధరం- ప్రగ్యా జైస్వాల్ లతో ఓ పాట కూడా ఉంటుందని తెలుస్తోంది. నక్షత్రంలో తన రోల్ కి సంబంధించిన లుక్స్ ఇప్పుడు రివీల్ చేశాడీ హీరో. పోలీస్ పాత్రలో తేజు లుక్స్ సూపర్ అనే టాక్ ఇప్పటికే స్ప్రెడ్ అయింది. నక్షత్రంలో సాయి ధరం తేజ్ చేస్తున్న పాత్ర పేరు అలెగ్జాండర్ అని తెలుస్తోంది.

ఈ పవర్ ఫుల్ పోలీస్ ఆఫీసర్ గా తేజు నక్షత్రం మూవీ.. ఇప్పటికే దాదాపు షూటింగ్ పూర్తి చేసుకుంది. 3 పాటలను మాత్రం ఇంకా తెరకెక్కించాల్సి ఉండగా.. త్వరలో వాటిని పూర్తి చేసేసి.. సమ్మర్ లో సినిమాను విడుదల చేసేందుకు ప్రయత్నిస్తున్నాడు కృష్ణ వంశీ.

Like Us on Facebook : https://www.facebook.com/Tupakidotcom/