మేనల్లుడి కోసం చిరంజీవి టైటిల్

మెగా ఫ్యామిలి అంటేనే ఇండస్ట్రిలో అందరికీ గుర్తుకు వచ్చేది మెగా స్టార్ చిరంజీవితో పాటుగా ఆయన ఫ్యామిలి నుండి వచ్చే హీరోలు. అలా మెగా ఫ్యామిలి నుండి వచ్చే ఒక హీరోనే సాయిధరమ్‌ తేజ్‌. మొదటి సినిమాతో నే అందరి దృష్టిలో గుర్తుండి పోయేలా పడ్డాడు. సినిమా సినిమాకు తన క్రేజ్ పెరుగుతూ వచ్చేలా చూసుకున్నా ఈ మధ్య హిట్లు మాత్రం రావటం లేదు. కానీ తన ఎనర్జితో అందరి నమ్మకాన్ని గెలిచాడు. ఇప్పుడు అదే స్పీడ్ తో వరస సినిమాల తో బిజీ అయ్యాడు. ఇప్పుడు తను నటించబోతున్న ఒక సినిమాకు మామ మెగా స్టార్ చిరంజీవి సినిమా పేరును వాడేస్తున్నాడు.

సాయిధరమ్‌ తేజ్‌ను హీరో గా పెట్టి డైరెక్టర్ మారుతీ ఒక సినిమా నిర్మించడానికి ప్రయత్నాలు చేస్తున్నాడు. స్క్రిప్ట్ కూడా పూర్తి అయ్యింద కాని ఆగష్టులో పూర్తి గా స్క్రిప్ట్ హీరోకు చెబుతాను అని అంటున్నాడు మారుతి. ఈ సినిమా టైటిల్ కూడా మెగా స్టార్ సినిమా ‘మహానగరంలో మాయగాడు’ పేరును పెడదాం అనుకుంటున్నాడట. ఈ సినిమా పూర్తి కామెడీ సినిమాగా ఉండబోతుంది అని చెప్పాడు. ముందు పాటను వాడేశాడు ఇప్పుడు సినిమా టైటిల్ ను వాడేస్తున్నాడు మెగా స్టార్ మేనల్లుడు.

సాయిధరమ్‌ తేజ్‌ ఇప్పుడు తన తాజా చిత్రం జవాన్ విడుదల కోసం ఎదురుచూస్తున్నాడు. ఇందులో సాయి ధరమ్ తేజ్ పోలీసు అధికారి పాత్రలో కనిపించనున్నాడు. ఇకపోతే వి.వి. వినాయక్‌ దర్శకత్వంలో ఒక సినిమా , కరుణాకరన్‌ దర్శకత్వంలో మరో సినిమాలో నటించనున్నాడు మెగా మేనల్లుడు. ఈ రెండు సినిమాలూ పూర్తి చేసి వచ్చే ఏడాది మొదటిలో ‘మహానగరంలో మాయగాడు’ మారుతీ డైరక్షన్లో సినిమా ప్రారంభం మొదలువుతుంది. కృష్ణ వంశీ డైరక్షన్ లో సాయిధరమ్‌ నటించిన ‘నక్షత్రం’ ఆగస్టు 4న విడుదల కాబోతుంది.​