ప్రతి రోజు పండగే అంటున్న సుప్రీమ్ హీరో

ఆరు వరస డిజాస్టర్ల తర్వాత చిత్రలహరితో కొంత ఊరట చెందిన సుప్రీమ్ హీరో సాయి తేజ్ (పేరులో ధరమ్ వాడటం మానేసిన సంగతి తెలిసిందే) కొత్త సినిమాకు ఏర్పాట్లు జరుగుతున్నాయి. మారుతీ దర్శకత్వంలో యువి గీతా సంస్థలు సంయుక్తంగా నిర్మించే చిత్రానికి 'ప్రతిరోజు పండగే' అనే టైటిల్ ఫిక్స్ చేశారు. మొన్నటి దాకా భోగి అని ప్రచారంలో ఉంది. కానీ అది అఫీషియలో కాదో తేలక ముందే నెగటివ్ ఫీడ్ బ్యాక్ రావడంతో దాన్ని మార్చేసి ఇప్పుడు ఫ్యామిలీస్ ఆకట్టుకునే విధంగా ప్రతిరోజూ పండగే అని ఫిక్స్ అయ్యారు.

శైలజారెడ్డి అల్లుడుతో ఆశించిన ఫలితాన్ని అందుకోలేకపోయిన మారుతి దీని మీద చాలా వర్క్ చేసినట్టుగా ఇన్ సైడ్ టాక్. కంప్లీట్ ఎంటర్ టైనర్ గా ఎమోషన్స్ తో పాటు సరైన పాళ్ళలో యాక్షన్ ని మిక్స్ చేస్తూ దీన్ని రూపొందిస్తున్నట్టు తెలిసింది. ఎప్పుడు ప్రారంభమయ్యేది ఇంకా తెలియాల్సి ఉంది. కొత్త సినిమా లుక్ కోసం గెడ్డం తీసేసి ఒరిజినల్ స్టైల్ లోకి వచ్చిన సాయి తేజ్ నిన్న ఓ ఈవెంట్ కోసం మాల్ కు వచ్చినప్పుడు తీసిన పిక్స్ బాగా వైరల్ అయ్యాయి. ట్రిమ్ చేసిన మీసంతో క్యూట్ లుక్స్ లోకి వచ్చేశాడు.

హీరోయిన్ విషయంలో మాత్రం సస్పెన్స్ ఇంకా కొనసాగుతోంది. త్వరలోనే ప్రకటిస్తారు. తేజుకు చిత్రలహరి పర్వాలేదు అనిపించినా తన రేంజ్ కు తగ్గ హిట్ అయితే కాదు. అతి కష్టం మీద 12 కోట్ల షేర్ ని దాటి సేఫ్ అనిపించుకుంది. కానీ మూడేళ్ళ క్రితమే సుప్రీమ్ తో పాతిక కోట్ల మార్కు అందుకున్న సాయి తేజ్ ఆ స్థాయి బ్రేక్ కోసం ఎదురు చూస్తున్నాడు. మారుతీ దాన్ని అందిస్తాడనే ఫ్యాన్స్ నమ్మకం