అయ్యో.. నువ్వు రాలేదేంటి బాసూ..

సాయిధరం తేజ్ నటించిన తిక్క మూవీ ప్రేక్షకుల ముందుకు వచ్చేసింది. ప్లాట్ బాగానే తీసుకున్నా.. దాని నెరేషన్ లో లోపాల కారణంగా కన్ఫ్యూజింగ్ గా మారిపోయి.. సినిమా తిక్కతిక్కగా అనిపించింది. మౌత్ టాక్ మిక్సెడ్ గా ఉన్నా.. రివ్యూలు మాత్రం బాగా నెగెటివ్ గా ఉన్నాయి.

తిక్క మూవీ సక్సెస్ మీట్ కి హీరో తేజు మినహాయిస్తే దాదాపు టీమ్ అంతా హాజరయ్యారు. బ్రెజిల్ భామ లారిస్సా కూడా సందడి చేసింది. కానీ సుప్రీమ్ హీరో ఈ ఫంక్షన్ లో కనిపించకపోవడానికి కారణం.. తన ఎఫర్ట్ ను రివ్యూల్లో గుర్తించకపోవడమే అని తెలుస్తోంది. డిఫరెంట్ మూవీ చేయాలనే ఉద్దేశ్యంతో.. వరుసగా హిట్స్ కొట్టి ఊపు మీద ఉన్న తాను ఓ ప్రయోగం చేస్తే.. దానికి గుర్తింపు రాకపోగా..విమర్శలు రావడం తట్టుకోలేకపోయాడని అంటున్నారు. అయితే.. ఇవాల్టి రోజుల్లో రివ్యూలతో సంబంధం లేకుండా సినిమాల రిజల్ట్ వస్తున్న విషయాన్ని ఈ హీరో మర్చిపోయాడు. సుప్రీమ్ కి కూడా ఇలాంటి రివ్యూలే వచ్చినా సక్సెస్ సాధించిన విషయాన్ని గుర్తు చేసుకోవాల్సిందే.

సక్సెస్ మీట్ కి అందరూ వచ్చినా తాను హాజరు కాకపోవడంతో కొంతమేర నెగిటివ్ వైబ్రేషన్స్ స్ప్రెడ్ అయ్యాయి. అయితే.. మెగా అభిమానులు మాత్రం.. తిక్క ఫెయిల్యూర్ అయినా తేజుకు వచ్చే సమస్యేమీ ఉండదని అంటున్నారు. చేసిన 5 సినిమాల్లో 3 సక్సెస్ లు సాధించడం.. నాలుగో సినిమాకే పాతిక కోట్ల షేర్ వసూలు చేసే రేంజ్ ఉండడాన్ని గుర్తు చేస్తున్నారు. పైగా కామెడీ టైమింగ్.. డ్యాన్సుల్లో ఈజ్ తో ఇప్పటికే మెగా ఫ్యాన్స్ కు బాగా కనెక్ట్ అయిపోయారు కాబట్టి.. సినిమా బాగుంటే రేంజు ఇంకోలా ఉండేది. దేఏమైనా నువ్వు ప్రెస్ మీట్ కు వచ్చుంటే బాగుండేది బాసూ.