తిక్కని పక్కెనెట్టి.. చిరు కోసం..

తిక్క హీరో సాయి ధరం తేజ్ ఇప్పటికే ఇండస్ట్రీలో సెటిల్డ్ హీరో అనిపించేసుకున్నాడు. తిక్క కొంచెం డిజప్పాయింట్ చేసింది కానీ.. వరుసగా రెండు సినిమాలను 20 కోట్ల వసూళ్లు దాటించి మెగా ట్యాగ్ కు ఉన్న పవర్ ఏంటో ప్రూవ్ చేశాడు. మెగాస్టార్ ను.. ఆయన సినిమాల్లోనూ పాటలను వాడేయడంలో.. మెగాహీరోలందరి కంటే తేజునే ముందుంటాడు.

మెగాస్టార్ కి సాయి ధరం తేజ్ ఏ రేంజ్ భక్తుడంటే.. తన సినిమాలను కూడా పట్టించుకోవడం మానేయగలడు. తిక్కకు రివ్యూలు. రేటింగ్ లు.. మౌత్ టాక్ తేడాగా ఉన్నా.. ఓ సక్సెస్ మీటు మాత్రం నిర్వహించింది యూనిట్. ఈ సక్సెస్ మీటుకు హాజరు కాని సాయి ధరం తేజ్ ని.. అంతర్వేదిలో జరిగిన చిరంజీవి బర్త్ డే ప్రీ సెలబ్రేషన్ పూజలకు వెళ్లిపోయాడు. ఈ ఒక్క సంఘటన చూస్తే చాలు.. చిరుకి తేజు ఏ రేంజ్ ఇంపార్టెన్స్ ఇస్తాడో అర్ధమవుతుంది.

ఆస్ట్ 22వ తేదీన మెగాస్టార్ చిరంజీవి పుట్టిన రోజుకావడంతో, తెలుగు రాష్ట్రాల్లో పండుగ వాతావరణం మొదలైపోయింది. అనేక ప్రాంతాల్లో మెగా అభిమానులు ప్రత్యేక పూజలు చేయించేస్తున్నారు. అనేక పుణ్యక్షేత్రాల్లో 'నవ జన్మ పూజా మహోత్సవాలు' అనే పేరుతో పూజలు కూడా జరిగిపోతున్నాయి. 'అంతర్వేది'లో జరిగే పూజా కార్యక్రమాలను తేజు స్వయంగా నిర్వహించడం విశేషం.

అంతర్వేదిలో జరిగిన పూజా కార్యక్రమానికి మెగా కుటుంబం నుంచి తేజకు ను ఆహ్వానించారు. 'నక్షత్రం' షూటింగులో తేజు జాయిన్ కావలసి వుంది. అయితే.. మెగాస్టార్ కోసం.. మెగాభిమానుల కోసం తన సక్సెస్ మీట్ ను కూడా వదిలేసిన తేజు.. ఇలా మెగా స్టార్ పుట్టిన రోజు పూజల్లో మాత్రం సందడి చేశాడు. వాయిదా వేసుకుని అక్కడికి వెళ్లాడు.