సోలో బ్ర‌ద‌ర్ ఔట్ డేటెడ్ థింకింగ్?

సీజ‌న్ ని బ‌ట్టి జోన‌ర్ వ‌ర్క‌వుట‌వుతుంది. ఇటీవ‌ల టాలీవుడ్ లో హార‌ర్ జోన‌ర్ హ‌వా కొన‌సాగింది. కానీ ఇప్పుడు అది ఔట్ డేటెడ్ అవుతుందేమో! ఎందుకంటే ఓవైపు ఓటీటీ ల్లో వ‌రుస పెట్టి హార‌ర్ థ్రిల్ల‌ర్లు.. స్పై థ్రిల్ల‌ర్లు హ‌డావుడి చేస్తున్నాయి. ఆ క్ర‌మంలోనే వేరొక హార‌ర్ థ్రిల్ల‌ర్ ని సెలెక్ట్ చేసుకుంటే అది రాంగ్ ఛాయిస్ అవుతుందేమోన‌న్న సందేహాలు వ్య‌క్త‌మ‌వుతున్నాయి.

కానీ మెగా హీరో సాయి తేజ్ ఆలోచ‌న‌లు చూస్తుంటే.. అత‌డు హార‌ర్ ట్రెండ్ ని బ‌లంగా న‌మ్ముతున్న‌ట్టే క‌నిపిస్తోంది. ఈసారి దెయ్యం క‌థ‌తో హార‌ర్ జోనర్ సినిమాలో న‌టించేందుకు రెడీ అవుతున్నాడ‌ని స‌మాచారం. అయితే హార‌ర్ జోన‌ర్ అంటే ఈసారి కొత్త‌గా ఏం చూపిస్తారు? అన్న‌ది ఆలోచించాలి. ప్ర‌తిసారీ రొటీనిటీ వ‌ర్క‌వుట‌వ్వ‌దు. ఇప్ప‌టికే సాయిధ‌ర‌మ్ వ‌రుస పెట్టి ఫ్లాప్ సినిమాల్లో న‌టించాడు. దాని నుంచి బ‌య‌ట‌ప‌డేందుకు చాలా స‌మ‌య‌మే ప‌ట్టింది. చిత్ర‌ల‌హ‌రి.. ప్ర‌తిరోజూ పండ‌గే చిత్రాల‌తో విజ‌యాలు అందుకున్నాడు కాబ‌ట్టి ఇక‌పైనా స‌క్సెస్ స్ట్రీక్ ని కొన‌సాగించ‌డం చాలా అవ‌స‌రం.

ప్ర‌స్తుతం సోలో బ‌తుకే సో బెట‌ర్ అనే చిత్రంలో న‌టిస్తున్నాడు. టైటిల్లోనే కిక్కు ఎక్కించే కాన్సెప్ట్ అని అర్థ‌మ‌వుతోంది. త‌దుప‌రి ఇదే సినిమాని నిర్మిస్తున్న మేక‌ర్స్ సుకుమార్ శిష్యుడితో మ‌రో సినిమాకి క‌మిట‌య్యార‌‌ట‌. అది హార‌ర్ జోన‌ర్ క‌థాంశం.. సాయి తేజ్ కి క‌నెక్ట‌య్యింద‌ని తెలుస్తోంది. దేవాక‌ట్టాతోనూ సుప్రీంహీరో ఓ సినిమా చేస్తున్న సంగ‌తి తెలిసిందే. ఫ్లాప్ ద‌ర్శ‌కుల‌కు కొత్త ట్యాలెంటుకు అవ‌కాశాలిచ్చి ఎంక‌రేజ్ చేయ‌డంలో సాయి తేజ్ కి ఉన్న రికార్డు గురించి చెప్పాల్సిన ప‌నే లేదు. కానీ ఇంకా డేరింగ్ డెసిష‌న్స్ తో ప్ర‌యోగాలు చేస్తున్నాడు. కానీ ప్ర‌తిసారీ హిట్టు రావ‌డం ఇంపార్టెంట్ ఇక్క‌డ‌. మారుతున్న ట్రెండ్ ని బ‌ట్టి ఎంచుకునే స్క్రిప్టులు మారాలేమో!